وسىلايشا, ەلورداداعى قازىرگى گاز تاپشىلىعىنىڭ ورنىن تولتىرۋعا دا, قۇرىلىس جۇمىستارى جۇرەتىن جاڭا اۋدانداردى جىلۋمەن قامتۋعا دا ىڭعايلى جاعداي جاسالادى. بۇل جاڭالىقپەن قالا اكىمى ءوزىنىڭ Instagram-داعى پاراقشاسىندا ءبولىستى.
قالا باسشىسىنىڭ ايتۋىنشا, گاز قازاندىقتارى 2023 جىلدان باستاپ كەزەڭ-كەزەڭىمەن ىسكە قوسىلادى. قۇرىلىس جۇمىستارى تەمىرجول ۆوكزالىنىڭ اۋماعىندا, قورعالجىن تاسجولىنىڭ بويىندا جانە تەلمان ەلدى مەكەنىندە ءجۇرىپ جاتىر.
«وڭتۇستىك-شىعىس» قازاندىعى «مىڭجىلدىق» اۋدانىن, جاڭا تەمىرجول ۆوكزالى اۋماعىن, قۇرىلىس جۇمىسى قارقىندى ءجۇرىپ جاتقان اۋدانداردى جىلۋمەن قامتاماسىز ەتەدى. ال «تەلمان» قازاندىعى «باعىستان» تك, ۇلى دالا داڭعىلى, «تەلمان» ەلدى مەكەنى اۋماعىن قامتيدى. ءوز كەزەگىندە ءۇشىنشى – «تۇران» قازاندىعى قورعالجىن تاسجولى, تۇران داڭعىلى بويىنداعى جانە باسقا دا قۇرىلىسى قارقىندى ءجۇرىپ جاتقان اۋدانداردى جىلۋمەن قامتاماسىز ەتۋگە مۇمكىندىك بەرەدى», دەپ جازادى التاي كولگىنوۆ.
ەلوردا اكىمى سورعى-ءسۇزۋ ستانتسياسىنىڭ (سسس-3) قۇرىلىسىمەن دە تانىسىپ شىقتى.
حابارلانعانداي, شاھار تۇرعىندارى تاۋلىگىنە 300 مىڭ تەكشە مەتر سۋ تۇتىنادى, ال جاڭا سسس-3 قۋاتتىلىعى تاۋلىگىنە قوسىمشا 100 مىڭ تەكشە مەتردەن استام سۋ بەرەدى دەپ كۇتىلەدى.
«قالامىزدىڭ دامىپ كەلە جاتقانىن ەسكەرسەك, قازىردىڭ وزىندە سۋعا دەگەن قوسىمشا قاجەتتىلىك بايقالىپ كەلەدى. سول سەبەپتەن سسس-3 بيىل جىل سوڭىنا قاراي ءىشىنارا پايدالانۋعا بەرىلەدى. وسىلايشا سۋمەن قامتاماسىز ەتۋ ماسەلەسى شەشىلەدى. ال 2023 جىلدان باستاپ سسس-3 جۇمىسىنىڭ قۋاتىن ارتتىرۋ بويىنشا جۇمىس ىستەيمىز», دەپ قورىتىندىلادى اكىم.
