قازاقستان رەسپۋبليكاسى ۇكىمەتىنىڭ قاۋلىسى №255

2014 جىلعى 26 ناۋرىز,  استانا, ۇكىمەت ءۇيى مىندەتتى كاسiپتiك زەينەتاقى جارنالارىن جۇزەگە اسىرۋ  قاعيدالارىن بەكىتۋ تۋرالى «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسىنىڭ زاڭى 6-بابىنىڭ 6-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان مىندەتتى كاسiپتiك زەينەتاقى جارنالارىن جۇزەگە اسىرۋ قاعيدالارى بەكىتىلسىن. 2. «قىزمەتكەردىڭ مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن اي سايىنعى تابىسىن ايقىنداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 26 تامىزداعى №849 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2013 ج., №50, 693-قۇجات) كۇشى جويىلدى دەپ تانىلسىن. 3. وسى قاۋلى 2014 جىلعى 1 ناۋرىزدان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى س. احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 26 ناۋرىزداعى № 255 قاۋلىسىمەن بەكىتىلگەن مىندەتتى كاسiپتiك زەينەتاقى جارنالارىن جۇزەگە اسىرۋ قاعيدالارى 1. جالپى ەرەجەلەر 1. وسى مىندەتتى كاسىپتىك زەينەتاقى جارنالارىن جۇزەگە اسىرۋ قاعيدالارى (بۇدان ءارى – قاعيدالار) «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسىنىڭ زاڭى 6-بابىنىڭ 6-1) تارماقشاسىنا سايكەس ازىرلەندى جانە مىندەتتى كاسىپتىك زەينەتاقى جارنالارىن جۇزەگە اسىرۋ ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلادى: 1) ەڭبەك جاعدايلارى زياندى (ەرەكشە زياندى) جۇمىستارمەن اينالىساتىن قىزمەتكەر (بۇدان ءارى – قىزمەتكەر) – جۇمىس بەرۋشىمەن ەڭبەك قاتىناستارىندا تۇراتىن جانە ەڭبەك شارتى بويىنشا تىكەلەي جۇمىس ورىندايتىن, كاسىپتەرى وندىرىستەردىڭ, جۇمىستاردىڭ, قىزمەتكەرلەر كاسىپتەرىنىڭ تىزبەسىندە كوزدەلگەن زياندى ەڭبەك جاعدايلارى (ەرەكشە زياندى) جۇمىستارمەن اينالىساتىن جەكە تۇلعا; 2) زياندى (ەرەكشە زياندى) ەڭبەك جاعدايلارى – بەلگىلى ءبىر وندىرىستىك فاكتورلاردىڭ اسەرى قىزمەتكەردىڭ ەڭبەككە قابىلەتتىلىگىنىڭ تومەندەۋىنە نەمەسە سىرقاتتانۋىنا نە ونىڭ ۇرپاقتارىنىڭ دەنساۋلىعىنا تەرىس ىقپالى بولۋىنا اكەپ سوقتىراتىن ەڭبەك جاعدايلارى; 3) مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت – سالىمشى (الۋشى) تالاپتارىن ۇسىنىلعان شارتقا تۇتاستاي قوسىلۋ ارقىلى عانا قابىلداي الاتىن قوسىلۋ شارتى; 4) ەڭبەك جونiندەگi ۋاكiلەتتi مەملەكەتتiك ورگان – قازاقستان رەسپۋبليكاسىنىڭ زاڭناماسىنا سايكەس ەڭبەك قاتىناستارى سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان; 5) ۋاكiلەتتi ۇيىم (بۇدان ءارi – ورتالىق) – قازاقستان رەسپۋبليكاسى ۇكiمەتiنiڭ شەشiمi بويىنشا قۇرىلعان رەسپۋبليكالىق مەملەكەتتiك قازىنالىق كاسiپورىن; 6) بىرىڭعاي جيناقتاۋشى زەينەتاقى قورى – زەينەتاقى جارنالارىن تارتۋ جانە زەينەتاقى تولەمدەرى جونiندەگi قىزمەتتi جۇزەگە اسىراتىن زاڭدى تۇلعا; 7) وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋ – وندىرىستىك وبەكتىلەردى (وندىرىستىك قىزمەتتى جۇزەگە اسىراتىن تسەحتاردى, ۋچاسكەلەردى, جۇمىس ورىندارىن, سونداي-اق جۇمىس بەرۋشىلەردىڭ بولەك تۇرعان وزگە دە بولىمشەلەرىن) ولاردا ورىندالاتىن جۇمىستار قاۋىپسىزدىگىنىڭ جاي-كۇيىن, زياندىلىعىن, اۋىرلىعىن, قاۋىرتتىعىن, ەڭبەك گيگيەناسىن ايقىنداۋ جانە وندىرىستىك ورتا جاعدايلارىنىڭ ەڭبەك قاۋىپسىزدىگى جانە ەڭبەكتى قورعاۋ سالاسىنداعى نورماتيۆتەرگە سايكەستىگىن ايقىنداۋ ماقساتىندا باعالاۋ جونىندەگى قىزمەت; 8) مىندەتتى كاسىپتىك زەينەتاقى جارنالارى – مىندەتتى كاسىپتىك زەينەتاقى جارنالارىنىڭ سالىمشىلارى ەڭبەك جاعدايلارى زياندى (ەرەكشە زياندى) جۇمىستارمەن اينالىساتىن قىزمەتكەرلەردىڭ پايداسىنا بىرىڭعاي جيناقتاۋشى زەينەتاقى قورىنا سالاتىن اقشا; 9) مىندەتتى كاسىپتىك زەينەتاقى جارنالارىنىڭ سالىمشىسى (بۇدان ءارى –سالىمشى) – قىزمەتكەردىڭ پايداسىنا ءوزىنىڭ مەنشىكتى قاراجاتى ەسەبىنەن مىندەتتى كاسىپتىك زەينەتاقى جارنالارىن جۇزەگە اسىراتىن جۇمىس بەرۋشى. 2. مىندەتتى كاسىپتىك زەينەتاقى جارنالارىن جۇزەگە اسىرۋ ءتارتىبى 3. سالىمشىلار مىندەتتى كاسىپتىك زەينەتاقى جارنالارىن مەنشىكتى قاراجاتى ەسەبىنەن قىزمەتكەرلەردىڭ پايداسىنا جۇزەگە اسىرادى. 4. مىندەتتى كاسىپتىك زەينەتاقى جارنالارىنىڭ مولشەرلەمەسى «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قازاقستان رەسپۋبليكاسى زاڭىنىڭ 26-بابىنا سايكەس بەلگىلەنەدى. 5. مىندەتتى كاسىپتىك زەينەتاقى جارنالارىن بىرىڭعاي جيناقتاۋشى زەينەتاقى قورىنا جۇزەگە اسىرۋ مىندەتتى كاسىپتىك زەينەتاقى جارنالارى ەسەبىنەن زەينەتاقىمەن قامسىزداندىرۋ تۋرالى شارت جاساسقان جەكە تۇلعالاردىڭ بىرىڭعاي تىزىمىنە سايكەس جۇرگىزىلەدى. 6. شارت قازاقستان رەسپۋبليكاسى ۇكىمەتىنىڭ 2013 جىلعى 18 قىركۇيەكتەگى № 984 قاۋلىسىمەن بەكىتىلگەن بىرىڭعاي جيناقتاۋشى زەينەتاقى قورىنىڭ زەينەتاقى قاعيدالارىنا سايكەس بىرىڭعاي جيناقتاۋشى زەينەتاقى قورى, سالىمشى جانە قىزمەتكەر اراسىندا جاسالادى. 7. سالىمشىلار قىزمەتكەردىڭ ءبىر ايدا ەسەپتەلگەن تابىسىنىڭ سوماسى نەگىزىندە مىندەتتى كاسىپتىك زەينەتاقى جارنالارىن ەسەپتەۋ ءۇشىن الىناتىن تابىستاردان مىندەتتى كاسىپتىك زەينەتاقى جارنالارىن اي سايىن جۇزەگە اسىرادى. 8. مىندەتتى كاسىپتىك زەينەتاقى جارنالارىن جۇزەگە اسىرعان كەزدە قىزمەتكەردىڭ «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىندە (بۇدان ءارى – سالىق كودەكسى) كوزدەلگەن بارلىق اي سايىنعى تابىستارى ەسكەرىلەدى. 9. مىندەتتى كاسىپتىك زەينەتاقى جارنالارىن جۇزەگە اسىرعان كەزدە: 1) سالىق كودەكسىنىڭ 155-بابىنىڭ 3-تارماعىندا; 2) سالىق كودەكسىنىڭ 156-بابى 1-تارماعىنىڭ 12), 13), 26-1) تارماقشالارىندا بەلگىلەنگەندەردى قوسپاعاندا, سالىق كودەكسىنىڭ 156-بابىنىڭ 1-تارماعىندا; 3) سالىق كودەكسىنىڭ 357-بابى 2-تارماعىنىڭ 4), 5) تارماقشالارىندا كورسەتىلگەن تولەمدەردىڭ تۇرلەرى ەسكەرىلمەيدى. مىندەتتى كاسىپتىك زەينەتاقى جارنالارىن تولەۋگە شىعىستار سالىمشىنىڭ ەڭبەكاقى تولەۋ قورىنا جاتادى. 10. مىندەتتى كاسىپتىك زەينەتاقى جارنالارىن, ونىڭ ىشىندە بەرەشەكتى اۋدارۋ ەكونوميكا سەكتورلارىنىڭ كودتارىن قولدانۋ جانە تولەمدەردى تاعايىنداۋ تارتىبىنە سايكەس ايقىندالاتىن تولەمدەردى تاعايىنداۋ كودتارى كورسەتىلە وتىرىپ, ورتالىقتىڭ بانك شوتىنا جۇرگىزىلەدى. 11. سالىمشى مىندەتتى كاسىپتىك زەينەتاقى جارنالارىن جۇزەگە اسىرعان كەزدە ءۇش دانادا قاعاز جەتكىزگىشتەگى تولەم تاپسىرماسىن جانە ەكى دانادا جەكە تۇلعالاردىڭ ءتىزىمىن بانككە, بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدارعا ۇسىنادى. 12. جەكە تۇلعالاردىڭ ءتىزىمى ءاربىر جەكە تۇلعا بويىنشا: جەكە سايكەستەندىرۋ ءنومىرىن, تەگىن, اتىن, اكەسىنىڭ اتىن (بولعان كەزدە), تۋعان كۇنىن, جارنا سوماسىن جانە ول ءۇشىن مىندەتتى زەينەتاقى جارنالارى اۋدارىلاتىن كەزەڭدى (ايدى, جىلدى) قامتۋعا ءتيىس. 13. بانكتەر جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار ورتالىققا اقشا اۋدارۋدى قازاقستان رەسپۋبليكاسىنىڭ تولەم جۇيەلەرىندە قولدانىلاتىن فورماتتارعا سايكەس جەكە تۇلعالاردىڭ تىزىمدەرىمەن بىرگە ەلەكتروندىق تولەم تاپسىرمالارىمەن جۇرگىزەدى. 14. سالىمشىلار تولەيتىن مىندەتتى كاسىپتىك زەينەتاقى جارنالارىنىڭ سومالارى قازاقستان رەسپۋبليكاسىنىڭ سالىق زاڭناماسىنا سايكەس شەگەرۋگە جاتادى. 15. مىندەتتى كاسىپتىك زەينەتاقى جارنالارىن بىرىڭعاي جيناقتاۋشى زەينەتاقى قورىنا اۋدارۋ, ۇستاپ قالۋ (ەسەبىنە جازۋ) جانە اۋدارۋ, مىندەتتى كاسىپتىك زەينەتاقى جارنالارىن اۋدارۋ كەزىندە قاتەلەر انىقتالعان جاعدايدا, سالىمشىلاردىڭ (الۋشىلاردىڭ) ءىس-قيمىلدارى, سونداي-اق مىندەتتى كاسىپتىك زەينەتاقى جارنالارىن ۋاقتىلى اۋدارماعان كەزدەگى ءوسىمپۇلدى تولەۋ جانە بەرەشەكتى ءوندىرۋ قازاقستان رەسپۋبليكاسى ۇكىمەتىنىڭ 2013 جىلعى 18 قازانداعى № 1116 قاۋلىسىمەن بەكىتىلگەن مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن ەسەپتەۋ, ۇستاپ قالۋ (ەسەبىنە جازۋ) جانە اۋدارۋ قاعيدالارى مەن مەرزىمدەرىنە سايكەس جۇزەگە اسىرىلادى. 16. سالىمشىلار كاسىپتەرى قازاقستان رەسپۋبليكاسى ۇكىمەتىنىڭ 2013 جىلعى 31 جەلتوقسانداعى №1562 قاۋلىسىمەن بەكىتىلگەن تىزبەدە (بۇدان ءارى – تىزبە) كوزدەلگەن ەڭبەك جاعدايلارى زياندى (ەرەكشە زياندى) جۇمىستارمەن اينالىساتىن قىزمەتكەرلەرگە مىندەتتى كاسىپتىك زەينەتاقى جارنالارىن جۇزەگە اسىرادى. 17. مىندەتتى كاسىپتىك زەينەتاقى جارنالارى تىزبەدە كوزدەلگەن ەڭبەك جاعدايلارى زياندى (ەرەكشە زياندى) جۇمىستاردا ۋاقىتشا جۇمىس ىستەيتىن ۇيىمداردىڭ وندىرىستىك, كومەكشى جانە قوسالقى تسەحتارىنىڭ قىزمەتكەرلەرىنە دە تولەنەدى. 18. كاسىپتەرى مەن لاۋازىمدارى تىزبەنىڭ «جالپى كاسىپتەر» بولىمىندە كوزدەلگەن قىزمەتكەرلەرگە, ەگەر بۇل كاسىپتەر تىزبەنىڭ ءتيىستى بولىمدەرىندە نەمەسە كىشى بولىمدەرىندە ارنايى كوزدەلمەسە, مىندەتتى كاسىپتىك زەينەتاقى جارنالارى ولاردىڭ قانداي وندىرىستەردە نەمەسە تسەحتاردا جۇمىس ىستەيتىنىنە قاراماستان جۇزەگە اسىرىلادى. 19. وندىرىستىك وبەكتىلەردى ەڭبەك جاعدايلارى بويىنشا اتتەستاتتاۋ جانە مىندەتتى مەرزىمدىك مەديتسينالىق تەكسەرىپ-قاراۋ ناتيجەلەرى بويىنشا ايىنا جۇمىس ۋاقىتىنىڭ كەمىندە 80% زياندى (ەرەكشە زياندى) ەڭبەك جاعدايلارىندا جۇمىس ىستەيتىن قىزمەتكەرلەردىڭ كاسىپتەرى انىقتالعان جاعدايدا, جۇمىس بەرۋشىلەر, قىزمەتكەرلەردىڭ وكىلدەرى, مۇددەلى مەملەكەتتىك ورگاندار ەڭبەك جونىندەگى ۋاكىلەتتى ورگانعا ولاردى تىزبەگە ەنگىزۋ بويىنشا نەگىزدەلگەن ۇسىنىستار ەنگىزەدى. 20. وندىرىستىك وبەكتىلەردى اتتەستاتتاۋ ناتيجەلەرىمەن راستالعان زياندى (ەرەكشە زياندى) ەڭبەك جاعدايلارى جويىلعان كەزدە, مىندەتتى كاسىپتىك زەينەتاقى جارنالارىنىڭ سالىمشىلارى مىندەتتى كاسىپتىك زەينەتاقى جارنالارىن تولەۋدى جۇزەگە اسىرمايدى.