تسيفرلىق دامۋ مينيسترلىگىنىڭ حابارلاۋىنشا, 1 قىركۇيەكتە قازاقستاندىق مامانداردى دايارلاۋ ءۇشىن جەكە مەنشىك IT-مەكتەپتەردەن 3 مىڭ ۆاۋچەر الۋ ءۇشىن وتىنىمدەردى قابىلداۋ باستالدى. بۇل تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى مەن Astana Hub IT-ستارتاپتار حالىقارالىق تەحنوپاركى ىسكە قوسقان Tech Orda ءىت-ماماندىقتارىن وقىتۋدى قارجىلاندىرۋ باعدارلاماسى شەڭبەرىندە مۇمكىن بولادى.
«Tech Orda باعدارلاماسى ۇكىمەتتىڭ الدىنا 2025 جىلعا دەيىن كەمىندە 100 مىڭ بىلىكتى IT كادر دايىنداۋ مىندەتى قويىلعان پرەزيدەنتتىڭ 2021 جىلعى جولداۋىن ورىنداۋ شەڭبەرىندە ىسكە اسىرىلۋدا. Tech Orda باعدارلاماسى العاشقى لەگىنىڭ قورىتىندىسى بويىنشا 2021 جىلى 13 جەكە IT-مەكتەپ قارجىلاندىرىلىپ, 100 ستۋدەنت وقۋدان ءوتتى. ءار ستۋدەنتكە قارجىلاندىرۋ سوماسى 600 مىڭ تەڭگەنى قۇرادى», دەلىنگەن ۆەدومستۆو حابارلاماسىندا.
بيىل IT-ماماندىقتاردى وقىتۋ ءۇشىن وسىنداي سومانى 3 مىڭ قازاقستاندىق الا الادى. 2025 جىلعا دەيىن Tech Orda باعدارلاماسى بويىنشا IT-مەكتەپتەردە 20 مىڭ ستۋدەنتتى وقىتۋ جوسپارلانۋدا.
«Tech Orda باعدارلاماسى ارقىلى قازاقستاندىقتاردىڭ جەكە باعدارلامالاۋ مەكتەپتەرىندە ساپالى تەگىن IT ءبىلىم الۋعا بىرەگەي مۇمكىندىگى بار. بىزگە IT تالانتتاردى دامىتىپ, قازاقستاندىق يننوۆاتسيالار سەكتورىن كۇشەيتۋ قاجەت. ەلىمىزگە كرەاتيۆتى, ىنتالى ماماندار قاجەت. باعدارلامانى ىسكە اسىرۋ بولاشاقتا ساپالى جوبالار تۇرىندە مۋلتيپليكاتيۆتى اسەر ەتەدى», دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.
باعدارلاماعا قاتىسۋ ءۇشىن IT-مەكتەپتەر اقپاراتتىق-كوممۋنيكاتسيالىق تەحنولوگيالار سالاسىنداعى باسىم قىزمەت تۇرلەرى تىزبەسىنىڭ 17-تارماعىنا سايكەس Astana Hub قاتىسۋشىسى بولۋى كەرەك. اتالعان مارتەبە IT-مەكتەپكە سالىقتان بوساتۋدى جانە باسقا دا بىرقاتار ارتىقشىلىقتى ۇسىنادى.
مەكتەپتەر مەن كۋرستاردى اككرەديتتەۋ پروتسەسىن تاۋەلسىز كوميسسيا اتقارادى. 18-45 جاس ارالىعىنداعى ازاماتتار 6 اي بويى كۋرسقا قاتىسىپ, ءوز بىلىمدەرىن جەتىلدىرەدى.
