الەۋمەتتىك كودەكس جوباسىندا ەڭبەككە قابىلەتتى جاستاعى ازاماتتاردى جاپپاي وقىتۋ ارقىلى كاسىبي داعدىلاردى قالىپتاستىرۋ ەسەبىنەن ادامي كاپيتالدى جوسپارلى تۇردە ارتتىرۋ جانە قازاقستاندىقتاردىڭ باسەكەگە قابىلەتتىلىگىن ارتتىرۋ ءۇشىن ىڭعايلى جاعدايلار جاساۋ كوزدەلەدى.
ەڭبەككە قابىلەتتى ازاماتتاردى وقىتۋ ءۇشىن ماقساتتى سانىن بىرنەشە ەسە ارتتىرۋ جوسپارلانۋدا.
ماسەلەن, ەگەر بۇرىن ەڭبەك جانە حالىقتى الەۋمەتتىك قورعاۋ مينيسترلىگىنىڭ جەلىسى بويىنشا ازاماتتاردىڭ جەكەلەگەن ساناتتارىنا جاتاتىن شامامەن 500 مىڭ ادام وقىتۋمەن قامتىلسا, ەندى وقىتۋ ءۇشىن نىسانالى كونتينگەنتكە ساناتتارى مەن مارتەبەسىنە قاراماستان 9 ملن ادامعا دەيىن ەڭبەككە قابىلەتتى جاستاعى بارلىق ازاماتتار كىرەدى.
بۇل رەتتە جاڭا داعدىلاردى الۋعا قولجەتىمدىلىك ءۇشىن جاۋاپكەرشىلىك مەملەكەت, جۇمىس بەرۋشى جانە ازاماتتاردىڭ وزدەرى اراسىنداعى جاڭا الەۋمەتتىك كەلىسىمشارت شەڭبەرىندە بولىنەدى.
«اتاپ ايتقاندا, مەملەكەت جۇمىس بەرۋشىلەردىڭ وتىنىمدەرى بويىنشا جۇمىسسىزدار مەن حالىقتىڭ جەكەلەگەن نىسانالى ساناتتارى ءۇشىن قىسقا مەرزىمدى تەگىن وقىتۋ كۋرستارىن ۇيىمداستىرادى. بۇل رەتتە ولارعا وقىتۋدىڭ ءتۇرلى فورماتتارى, ونىڭ ىشىندە skills.enbek.kz پلاتفورماسىندا ونلاين وقىتۋدى ۇسىنۋ كوزدەلۋدە. بۇگىنگى كۇنى بۇل پلاتفورمادا 151 كۋرس ورنالاستىرىلعان, ونىڭ 97-ىنەن تەگىن وتۋگە بولادى. ال جۇمىس بەرۋشىلەر ءوز قىزمەتكەرلەرى ءۇشىن جاڭا تەحنولوگيالاردى ەنگىزۋدى نەمەسە جاڭا وندىرىستەر اشۋدى ەسكەرە وتىرىپ, بىلىكتىلىكتى ارتتىرۋ, قايتا بەيىندەۋ كۋرستارىن ۇيىمداستىرادى. وقىتۋ جۇمىس بەرۋشىنىڭ تاڭداۋى بويىنشا جۇمىس ورىندارىندا, وقۋ ورتالىقتارىندا نەمەسە ءبىلىم بەرۋ ۇيىمدارىنىڭ بازاسىندا وتەدى», دەلىنگەن ۆەدومستۆو اقپاراتىندا.
سونداي-اق ازاماتتار الەۋمەتتىك مارتەبەسىنە بايلانىستى مەملەكەت نەمەسە جۇمىس بەرۋشىلەر ۇيىمداستىراتىن تەگىن كۋرستاردان وتە الادى نەمەسە اقىلى كۋرستاردى ءوز قالاۋى بويىنشا تاڭداي الادى.
ۆەدومستۆو حابارلاماسىندا ەلىمىزدىڭ جوعارى وقۋ ورىندارى مەن كوللەدجدەرىندە وقىتۋ ساپاسىن جاقسارتۋ ءۇشىن كەشەندى شارالار قابىلداناتىنى ايتىلدى. ۇلتتىق بىلىكتىلىك جۇيەسىن قايتا جۇكتەۋ ءدال وسىعان باعىتتالعان.
«جۇمىس بەرۋشىلەر كاسىپتىك ستاندارتتار ارقىلى ءبىلىم بەرۋ باعدارلامالارى جاڭارتىلاتىن جۇمىس كۇشىنىڭ داعدىلارىنا تالاپتار قويادى. كاسىبي بىلىكتىلىكتەردى تانۋ ورتالىقتارى كاسىبي بىلىكتىلىكتەردى, ونىڭ ىشىندە رەسمي, بەيرەسمي جانە ينفورمالدى ءبىلىم بەرۋ ارقىلى الىنعان مامانداردىڭ جەكەلەگەن داعدىلارىن باعالايدى جانە ءتيىستى سەرتيفيكاتتار بەرەدى», دەپ قوستى مينيسترلىكتەن.
