19-كەزەڭدە دە لوپەس ءدال سول مەجەدەن كورىندى. سودان ءبىز كەلەسى جارىس كۇنىن تاعاتسىزدانا كۇتتىك. ەگەر وسى جولى كولۋمبيالىق ۆەلوشاباندوز قارقىنىن كۇرت كۇشەيتسە, وندا ۇزدىك ۇشتىكتىڭ قاتارىنا قوسىلاتىنى انىق ەدى. 20-كەزەڭ مورالسارال مەن پۋەرتو-دە-ناۆاسەررادا وڭىرلەرى ارالىعىندا ءوتتى. وكىنىشكە قاراي, 181 شاقىرىمدىق قاشىقتىقتا لوپەس سەگىزىنشى ورىندا قالىپ قويىپ, جارىس كەستەسىندەگى جاعدايىن جاقساراتا المادى.
جالپى ەسەپتەگى جاعداي وزگەرگەن جوق. بەلگيالىق رەمكو ەۆەنەپۋل («Quick-Step Alpha Vinyl Team») – ءبىرىنشى, يسپانيالىق ەنريك ماس («Movistar Team») – ەكىنشى جانە پيرەنەي تۇبەگىنىڭ تاعى ءبىر وكىلى حۋان ايۋسا («UAE Team Emirates») ءۇشىنشى ساتىعا جايعاستى.
