بۇعان دەيىنگى ءۇش كەزدەسۋىندە سىپىرا ۇتىلعان جەرلەستەرىمىز قارا تەڭىز جاعالاۋىندا «سوچيمەن» شەبەرلىك بايقاستى. باسەكەنىڭ باستاماسى جامان ەمەس ەدى. 11 سەكۋندتا نيكيتا ميحايليستەن وڭتايلى پاس العان كيريلل ساۆيتسكي ەسەپ اشتى. ەسەسىنە كوپ كەشىكپەي ايدىن يەلەرى ءبىزدىڭ قاقپامىزعا قاتارىنان ءۇش شايبا ەنگىزدى. بۇل گولداردىڭ اۆتورلارى – ارتۋر تيانۋلين, نيكيتا فەوكتيستوۆ جانە ارتەم نيكولاەۆ. ەكىنشى كەزەڭدە ساۆيتسكي مەن لۋيس ەنتوني ءبىر-ءبىر رەتتەن مەرگەندىك تانىتىپ, تارازى باسىن تەڭەستىردى. بىراق بۇل قۋانىشىمىز ۇزاققا سوزىلمادى. ءۇشىنشى كەزەڭدە قايتا قاھارىنا مىنگەن ء«سوچيدىڭ» حوككەيشىلەرى نىسانانى ءۇش رەت ءدال كوزدەدى. ءبىر ايتا كەتەرلىگى, وسى ءۇش شايبانى اندرەي نازاروۆتىڭ شاكىرتتەرى باس-اياعى 99 سەكۋند ارالىعىندا سوقتى. ناتيجەسىندە سوچيلىكتەر 6:3 ەسەبىمەن جەڭىسكە جەتتى.
كەلەسى كەزدەسۋىن «بارىس» 13 قىركۇيەكتە نۇر-سۇلتاندا چەليابىنىڭ «تراكتورىمەن» وتكىزەدى.
