جيىندا مينيستر تالعامى مەن تالابى جوعارى, الەۋمەتتىك جەلى مەن ينتەرنەت رەسۋرستارعا كوپ كوڭىل بولەتىن وقىرماننىڭ سۇرانىسىنا جاۋاپ بەرۋ قيىن ەكەنىن ايتا كەلىپ, باسپا باسىلىمدارىنا سالىق جەڭىلدىكتەرىن بەرۋ جاعىن جەكە تالقىلاۋ قاجەتتىگىن العا تارتتى. ونىڭ ايتۋىنشا, قازىرگى ۋاقىتتا باسپا باسىلىمدارعا سالىقتىق جەڭىلدىكتەردى الىپ تاستاۋ ۇسىنىسىن ۇكىمەتكە ەنگىزۋ ءۇشىن ءتيىستى تالداۋ جۇرگىزىلىپ جاتىر. ء«باسپاسوز سالىقتاردان جانە مىندەتتى اۋدارىمداردى تولەۋدەن بوساتىلعان جاعدايدا, ۇنەمدەلگەن قاراجاتتى باسىلىمداردىڭ ماتەريالدىق-تەحنيكالىق بازاسىن جاڭارتۋعا, كونتەنت ساپاسىن جاقسارتۋعا جۇمساۋعا مۇمكىندىك تۋادى», دەدى مينيستر.
كەزدەسۋ بارىسىندا باق ارقىلى مەملەكەتتىك يدەولوگيالىق قاۋىپسىزدىك ماسەلەسىن كوتەرۋ, باسپا باسىلىمداردى ساتۋ ورىندارىن كوبەيتۋ, گازەت وقۋ مادەنيەتىن جانداندىرۋ, كينو ارقىلى گازەت وقۋ مادەنيەتىن ناسيحاتتايتىن الەمدىك تاجىريبەنى ەنگىزۋ ماسەلەلەرى ءسوز بولدى. قازىرگى ۋاقىتتا وڭىرلەر مەن ءىرى قالالاردا باسپا ونىمدەرى 400 گازەت دۇڭگىرشەگى, سۋپەرماركەتتەر جانە ءىرى دۇكەندەردەگى جەكە ساۋدا نۇكتەلەرى, «قازپوشتا» اق-نىڭ 2 645 قالالىق جانە اۋداندىق پوشتا بايلانىس بولىمشەسى ارقىلى ساتىلادى.
«بىرقاتار وڭىردە «كوشە ساۋداسى» تۇجىرىمداماسىن ىسكە اسىرۋ بويىنشا جۇمىس جۇرگىزىلۋدە, ونىڭ شەڭبەرىندە كاسىپكەرلەر جەر ۋچاسكەلەرىن جەڭىلدەتىلگەن تارتىپپەن الا الادى. الايدا وڭىرلەردەگى مۇنداي جوبالارعا بيزنەس سۋبەكتىلەرىنىڭ قىزىعۋشىلىعى تومەن. ويتكەنى تابىسى از. سوندىقتان اكىمدىكتەرگە باسىلىمداردى ساتۋعا ىنتالى كاسىپكەرلەرگە باسقا دا جەڭىلدىكتەر قاراستىرۋ نەمەسە كاسىپ جاساۋعا تەگىن جەر بەرۋ جونىندە ۇسىنىس جولدادىق», دەپ اتاپ ءوتتى د.قىدىرالى.
جيىندا ءسوز العان جۋرناليست ەرتاي ايعاليەۆ باسپاسوزگە جازىلۋ ماسەلەسىن, قازاق باسىلىمدارى تارالىمىنىڭ ازايىپ كەتكەنىن ايتا كەلىپ, باسپاسوزگە جازىلۋدى حالىقتان تالاپ ەتۋ الەمدىك تاجىريبەدە بار ءۇردىس ەكەنىن ەسكە ءتۇسىردى. «قازاقستاندا ورتا ەسەپپەن 12 مىڭداي كىتاپحانا بار. گازەت-جۋرنالداردى جازىلۋ ماسەلەسىن سولار ارقىلى شەشسەك, بۇل باق ءۇشىن قوسىمشا تىنىس بولار ەدى. قازىرگىدەي ەكونوميكالىق وتپەلى كەزەڭدە مۇنداي شارالار باق ءۇشىن ۇلكەن مۇمكىندىك», دەپ اتاپ ءوتتى ول.
بەلگىلى مەديامەنەدجەر لەۆ تاراكوۆ مينيسترلىك جانىنان قۇرىلعان باق تۋرالى زاڭ جوباسىن ازىرلەۋ جونىندەگى جۇمىس توبىنا ءبىرىنشى كۇننەن باستاپ قاتىسىپ كەلە جاتقانىن ايتا كەلىپ, زاڭنىڭ جاڭا رەداكتسياسى ۇلتتىق اقپاراتتىق كەڭىستىكتى دامىتۋدىڭ ءتيىمدى قۇرالى بولاتىنىنا سەنىم ءبىلدىردى.
«ۇلتتىق مەديا كەڭىستىگىمىزدىڭ وسالدىعى, شەتەلدىك رەسۋرستاردىڭ اقپاراتتىق باسىمدىعى تۋرالى ماسەلەنى تەك جۋرناليستەر ەمەس, ساياساتكەرلەر, قوعام بەلسەندىلەرى, ءتۇرلى سالاداعى بەلسەندى ازاماتتار ءجيى كوتەرە باستادى. ءبىزدىڭ ءومىر ءسۇرۋ قۇندىلىقتارىمىز ەۋروستاندارتقا جاقىنداعان كەزدە زامان دا, زاڭ دا وزگەرەدى. ءدال قازىر ءوز مەنتاليتەتىمىزدەن الىستاماي دامىعانىمىز, العا جۇرگەنىمىز دۇرىس. باق تۋرالى زاڭ جوباسىندا دا وسى باعىتقا باسىمدىق بەرىلگەنى ءجون», دەپ اتاپ ءوتتى ل.تاراكوۆ.
كەيىننەن مينيستر دارحان قىدىرالى سايت, پورتال جەتەكشىلەرى, بلوگەرلەرمەن كەزدەسىپ, اقپاراتتىق قاۋىپسىزدىك, حابار تاراتۋ جىلدامدىعى مەن كاسىبي بىلىكتىلىك, اقپاراتقا قولجەتىمدىلىك, فەيك اقپاراتپەن كۇرەس جۇرگىزۋ, باق وكىلدەرىنىڭ بىلىكتىلىگىن ارتتىرۋ ماسەلەسى كەڭىنەن تالقىلانعان دوڭگەلەك ۇستەل وتكىزدى.
جۇمىس ساپارى شەڭبەرىندە مينيستر سونداي-اق Qazaqstan تەلەراديو كورپوراتسياسىنىڭ الماتىداعى فيليالىنا بارىپ, جوبا جاساۋشىلار جانە قۇرىلىس كومپانياسى وكىلدەرىمەن جۇزدەستى. ال «قازتەلەراديو» مەكەمەسىندە وتكەن باسقوسۋ بارىسىندا جۋرناليستەرمەن تسيفرلىق فورماتتا ەفير تاراتۋ, جاڭا راديو تەلەۆيزيالىق ستانسالاردى ىسكە قوسۋ, شەكارالىق ايماقتاردى راديوحابار تولقىندارمەن قامتاماسىز ەتۋ ماسەلەلەرى توڭىرەگىندە پىكىر الماستى.
ورايلى ساتتە مينيستر «كازاحستانسكايا پراۆدا» گازەتىنىڭ ءفوتوتىلشىسى يۋري بەككەرگە «قۇرمەت» وردەنىن تاپسىرىپ, ء«ادىل ءسوز» ءسوز بوستاندىعىن قورعاۋ حالىقارالىق قورى» قوعامدىق قورىنىڭ پرەزيدەنتى, بەلگىلى قۇقىق قورعاۋشى تامارا كالەەۆامەن كەزدەستى. جاقىندا عانا دۇنيەدەن وتكەن مەديامەنەدجەر باتىر قازىباەۆتىڭ شاڭىراعىنا ات باسىن بۇرىپ, اناسى ورىنشا قارابالينامەن جۇزدەسۋ كەزىندە مينيستر: «بيىلعى «ۇركەر» ۇلتتىق سىيلىعىنىڭ ءبىر نوميناتسياسىن باتىردىڭ اتىمەن اتاۋ تۋرالى ويىمىز بار» دەگەن جاڭالىعىمەن ءبولىستى.
ءمينيستردىڭ الماتىداعى ساپارىنىڭ ەكىنشى كۇنى ەتنوس وكىلدەرىمەن كەزدەسۋمەن جالعاستى.
الماتى
