انگليا پاتشايىمى II ەليزاۆەتانى ءبىراز ۋاقىتتان بەرى دەنساۋلىعىنا بايلانىستى ماسەسەلەر الاڭداتىپ كەلگەن. ەلدىڭ جاڭا پرەمەر-ءمينيسترى ليز تراسس قۇتتىقتاۋلاردى قابىلداعان كەزدە دە بالمورالداعى سارايىنان ۇزاپ شىعا الماعان پاتشايىمنىڭ دەنساۋلىعى ناشارلاپ كەتكەنى بەلگىلى بولدى.
بۋكينگەم سارايىنىڭ مالىمدەمەسىنە سۇيەنسەك, پاتشايىم II ەليزاۆەتانىڭ بۇگىن تاڭەرتەڭگى تەكسەرۋدەن كەيىن مەديتسينالىق باقىلاۋعا الىنعانى ايتىلدى.
ەليزاۆەتانىڭ ۇلى جانە تاق مۇراگەرى حانزادا چارلز جانە ونىڭ ايەلى جەدەل تۇردە بالمورالعا كوشۋ سەبەبى دە وسى.
ايتا كەتسەك, Balmoral Castle – شوتلانديادا ورنالاسقان پاتشايىمنىڭ دەمالىس رەزيدەنتسياسى رەتىندە بەلگىلى.
عىلىمنۇر كادىرباي
