پولياك شابۋىلشىسى اتالعان رەكوردتى چەمپيوندار ليگاسىنىڭ 1-ءشى تۋرىندا «ۆيكتوريا پلزەن» كومانداسىمەن بولعان كەزدەسۋدە (5:1) ورناتتى. ول ماتچتىڭ 34, 48 جانە 67-مينۋتتارىندا گول سوعىپ, كوزگە ءتۇستى.
بۇعان دەيىن لەۆاندوۆسكي «بورۋسسيا دورتمۋند» ساپىندا ء(بىر رەت) جانە «باۆاريا» جەيدەسىندە ء(تورت رەت) حەت-تريك جاساعان ەدى. «بارسەلونا» ساپىنداعى العاشقى حەت-تريگىن كارى قۇرلىقتىڭ باستى دوداسىندا تىركەدى.
سونداي-اق ر. لەۆاندوۆسكي چەمپيوندار ليگاسى تاريحىنداعى ۇزدىك سۇرمەرگەندەر تىزىمىندە ءۇشىنشى ورىنعا كوتەرىلدى. 89 گول سوققان روبەرت «رەالدىڭ» شابۋىلشىسى كاريم بەنزەمانى (86) باسىپ وزدى.
بۇل تىزىمدەگى ەكىنشى ورىندا پسج شابۋىلشىسى ليونەل مەسسي (125 گول) تۇر. ال رەكورد «مانچەستەر يۋنايتەدتىڭ» شابۋىلشىسى كريشتيانۋ رونالدۋ (140 گول) ەنشىسىندە.
عىلىمنۇر كادىرباي
