ەلەكتر قۋاتىن ءوندىرۋ ارزان, ال تۇتىنۋشىعا جەتكەندە باعاسى نەگە اسپانداپ كەتەدى؟

استانا. 14 مامىر. ءماجىلىستىڭ بۇگىنگى جالپى وتىرىسىندا وسى ماسەلەنى كوتەرگەن زاڭ جوباسى ءبىرىنشى وقىلىمدا قارالىپ, قىزۋ تالقىلاندى. بۇل تۋرالى egemen.kz ءتىلشىسى حابارلادى. ماسەلەن, دەپۋتات ر.شاەكين بۇگىنگى كۇنى ەلەكتر قۋاتىن وندىرەتىن كاسىپورىندار 1 كۆت-ساعاتتى 8 تەڭگەدەن وندىرسە, ول تۇتىنۋشىعا جەتكەندە 20 تەڭگەگە دەيىن ءبىر-اق سەكىرەتىنىن ايتتى. وسىعان بايلانىستى ول قىمباتتاۋدىڭ سەبەپتەرىن اشىپ بەردى. ءبىز ەلەكتر قۋاتىن تاسىمالدايتىنداردىڭ ءتاريفىن  مونوپولياعا قارسى كۇرەس تۋرالى زاڭمەن شەكتەن شىعارمايمىز. الايدا, ەلەكتر قۋاتىمەن جابدىقتايتىن كاسىپورىنداردىڭ 80 پايىزدىق ارەكەتىن اتالمىش زاڭمەن رەتتەي الماي وتىرمىز. سوندىقتان ولار, سونىڭ ىشىندە, «استاناەنەرگوسبىت» جشس 2012 جىلى 344 ملن., ال 2013 جىلدىڭ العاشقى جارتىسىندا 1 ملرد. 43 ملن. تەڭگە زاڭسىز تابىس تاپقان, دەي كەلىپ دەپۋتات وسىنىڭ ءبارى اتالمىش كاسىپورىنداردىڭ مۇددەسىنە لوببي جاساۋدىڭ كەسىرىنەن 8 جىلعا سوزىلىپ وتىرعانىن ايتتى. ال دەپۋتات ش.وتەمىسوۆ قۋات وندىرەتىن جانە تاسىمالدايتىن ۇيىمدارعا ۋاقىتشا باسقارۋ ينستيتۋتىن ەنگىزۋ تۋرالى نورمانىڭ ءتۇپ ورنىمەن قاتە ەكەنىن دالەلدەپ بەردى. سونداي-اق, ول زاڭ جوباسىنىڭ نورمالارى بيزنەس-قاۋىمداستىقتىڭ ساراپ قورىتىندىسىن الماي ەنگىزىلگەنىن سىنادى. زاڭ جوباسى ەكىنشى وقىلىمعا ۇسىنىلعاندا اتالعان سىندار تۇزەتىلەر دەگەن ۇمىتپەن دەپۋتاتتار ونى ءبىراۋىزدان ماقۇلدادى. جاقسىباي سامرات. دەرەككوز: egemen.kz. فوتو: zangazeti.kz.