– ءبىرىنشى كەزەڭدە ءبىز 20 ەلدى مەكەندى كوگىلدىر وتىنعا قوسامىز, – دەدى وبلىس اكىمى ەرمەك مارجىقپاەۆ سالتاناتتى راسىمدە, – بار جۇمىستى تياناقتى اتقارىپ جاتقان «قازترانسگاز ايماق» اكتسيونەرلىك قوعامىنىڭ ءونىمدى ىسىنە ريزاشىلىق بىلدىرەمىز. ەكى جىل ىشىندە مىڭ شاقىرىمعا جۋىق قۇبىر تارتىلىپ, تابيعي گاز وتكىزىلدى. ارشالى اۋدانىنداعى بەس ەلدى مەكەننىڭ تۇرعىندارى جەلىگە قوسىلدى.
– ءبىز كوپبالالى وتباسىمىز, – دەيدى اۋدان تۇرعىنى ۆالەري سەمەنكوۆ. – ۇيىمىزگە العاشقىلاردىڭ ءبىرى بولىپ گاز تارتىلعانىنا قۋانىپ وتىرمىز. مەملەكەتتىڭ قامقورلىعىنا مىڭ العىس.
2019 جىلى ءوڭىردىڭ 17 ەلدى مەكەنىن گاز قۇبىرىنا قوسۋ بويىنشا جوبالىق-سمەتالىق قۇجاتتاما ازىرلەنگەن بولاتىن. پايدالانۋعا بەرىلگەن «ارشالى» اۆتوماتتاندىرىلعان گاز تاراتۋ ستانساسىنىڭ وتكىزۋ قۋاتى – ساعاتىنا 15 مىڭ تەكشە مەتر. بارلىعى 345 شاقىرىمنان استام گاز جەلىسى تارتىلعان. 2023 جىلى اۋداندى گازداندىرۋدىڭ سوڭعى كەزەڭى جىبەك جولى اۋىلىندا جۇزەگە اسىرىلادى. بەس گاز رەتتەگىش بلوكتى پۋنكتتەردى ورناتۋ ارقىلى 230 شاقىرىم گاز تاراتۋ جەلىلەرى ىسكە قوسىلادى.
وسىلايشا, 2020-2023 جىلدارى ارالىعىندا اۋدان بويىنشا 574,66 شاقىرىم گاز قۇبىرى پايدالانۋعا بەرىلمەك. تابيعي گاز 8 230 تۇرعىن ۇيگە جەتكىزىلەدى.
اقمولا وبلىسى
