الماتى وبلىسىنىڭ ەرىكتىلەرى قوستاناي وڭىرىنە 105 توننادان استام ازىق-ت ۇلىك جىبەردى. ياعني ەل باسىنا كۇن تۋعاندا الماتى وبلىسى دا ءۇنسىز قالمادى. العاشقىلاردىڭ ءبىرى بوپ, اۋليەكول اۋدانىنىڭ تۇرعىندارىنا قولدان كەلگەنشە قولداۋ كورسەتىپ جاتىر. بىرنەشە كۇن بويى وتانداستارىمىزعا الماتى وبلىسىنىڭ اكىمدىگى, ەرىكتىلەر, جاستار, كاسىپكەرلەر مەن جاناشىر ازاماتتار سىرت قالماي, ازىق-ت ۇلىكپەن قاتار قۇرىلىس ماتەريالدارى مەن جەكە كۇتىم قۇرالدارىن جىبەرۋدى باستادى. بۇگىندە الماتى وبلىسىنىڭ اكىمدىگى قوستاناي وبلىسىنىڭ اكىمدىگىمەن تۇراقتى بايلانىستا بولىپ, جينالعان گۋمانيتارلىق كومەكتى اتتاندىردى. مۇنداي قايىرىمدى ءىس جالعاسا بەرمەك.
«وسىنداي قيىن-قىستاۋ ساتتەردە قازاقستاندىقتار اۋىزبىرشىلىگىن كورسەتىپ جاتىر. ەل پرەزيدەنتى قاسىم-جومارت توقاەۆ زارداپ شەككەندەردىڭ وتباسىلارىمەن جەكە كەزدەسىپ, ءاربىر وتباسى ۇكىمەتتىڭ قاراۋسىز قالمايتىنىن ايتتى. قوستاناي وبلىسىندا زارداپ شەككەندەرگە كومەك كورسەتۋ جونىندەگى حالىق اكتسياسىن قولداي وتىرىپ, الماتى وبلىسى دا كومەككە ءوز ۇلەستەرىن قوسۋدا. ياعني بالالارعا ارنالعان جايالىقتار – 9 مىڭ دانا, قۇرىلىس ماتەريالدارى – 10 توننا, ازىق-ت ۇلىكتەن: كۇنباعىس مايى, تاۋىق ەتى – 10 توننا, كەسپە – 3 توننا, پياز – 7 توننا, كۇرىش پەن الما 5 توننادان جانە تاعى دا باسقاسى بار. سونىمەن قاتار بىرقاتار مەملەكەتتىك قىزمەتكەرلەر ءبىر كۇندىك جالاقىلارىن اۋداردى. قازىرگى ۋاقىتتا ايماقتان ەكى گازەل مەن ءتورت جۇك كولىگى جولعا شىقتى. قوستاناي وبلىسىنا كومەككە 10 ەرىكتى كەتتى», دەيدى الماتى جاستار رەسۋرستىق ورتالىعى فرونت كەڭسەنىڭ باسشىسى ەراسىل تولىمبەك ۇلى.
الماتى وبلىسى
