«قازاقستان بارىسى»: پاۆلودار وبلىسى

پاۆلودار وبلىسىندا دا «قازاقستان بارىسىنا» ىرىكتەۋ كەزەڭىنىڭ ءۇشىنشى اينالىمى اياقتالدى. بۇل تۋرالى egemen.kz ءتىلشىسى حابارلادى. بۇل جولى فينالدىق بەلدەسۋگە جولدامانى دارحان جولامانوۆ پەن قازاق كۇرەسىنەن تالانتتى جاستاردىڭ ءبىرى باتىرحان ءجۇنىسوۆ جەڭىپ الدى. ال وتكەن جىلى فينالعا قاتىسقان سامير مامەدوۆ وبلىستىق سىندا ءۇشىنشى ورىن الىپ, بيىلعى دوداعا قاتىسۋ قۇقىنان ايىرىلدى. بيىل پاۆلودار وبلىسى دا «قازاقستان بارىسى» ءتۋرنيرىنىڭ ىرىكتەۋ كەزەڭدەرى جوعارى دەڭگەيدە وتكىزدى. وعان ءۇش كەزەڭ بويىنشا وتكەن جارىستاردىڭ جۇلدە قورىنىڭ ءوزى دالەل بولا الادى. وندا باس بايگەنى جەڭىپ العان بالۋانعا 700 000 تەڭگە, ەكىنشى ورىنعا  400 000 تەڭگە, ءۇشىنشى  ورىنعا  200 000 تەڭگە تابىس ەتىلدى. جالپى, جۇلدە قورى 1 300 000 تەڭگەنى قۇرادى. وسى تۋرنيردە دارحان جولامانوۆ پەن سامير مامەدوۆتىڭ فينالعا جولداما بەرەتىن كۇرەسى وتە قىزىقتى جانە تارتىستى ءوتتى. دارحان جولامانوۆ, لاقاپ اتى - «اساۋ» بويى:  179 سم. سالماعى:  103 كگ. تۋعان جىلى:  1986 جىل. سپورتتىق اتاعى:  قازاق كۇرەسىنەن سپورت شەبەرى. جاتتىقتىرۋشىلارى: نۇرلىبەك ەرماعانبەتوۆ پەن مەيرام حامزين. باتىرحان ءجۇنىسوۆ, لاقاپ اتى - «تۇلپار» بويى: 173 سم. سالماعى:  90 كگ. تۋعان جىلى:  1993 جىل. جاتتىقتىرۋشىسى: سەرىك دوسىمحانوۆ. داستان كەنجالين. دەرەككوز. «قازاقستان بارىسى» قازاق كۇرەسىن دامىتۋ قورىنىڭ ءباسپاسوز قىزمەتى. فوتو:  «قازاقستان بارىسى» قازاق كۇرەسىن دامىتۋ قورىنىڭ ءباسپاسوز قىزمەتى. سۋرەتتە: سولدان وڭعا قاراي دارحان جولامانوۆ, باتىرحان ءجۇنىسوۆ, سامير مامەدوۆ.