ۇشقۇ ۇجىمدىق قاۋىپسىزدىك جۇيەسىنىڭ كۇشتەرى مەن قۇرالدارىن باسقارۋ ورگاندارى جانە قۇرالىمدارىن بىرلەسىپ دايارلاۋدىڭ 2022 جىلعا ارنالعان جوسپارىندا اسكەري-عىلىمي كونفەرەنتسيانى وتكىزۋ رەگلامەنتتەلگەن.
ءىس-شاراعا ۇقشۇ-عا مۇشە ەلدەر قورعانىس ۆەدومستۆولارىنىڭ اقپاراتتىق قاۋىپسىزدىگىن قامتاماسىز ەتۋ سالاسىنىڭ ماماندارى, بازالىق وقۋ-ادىستەمەلىك ۇيىمداردىڭ, حاتشىلىق پەن بىرىككەن شتابتىڭ وكىلدەرى قاتىستى.
قازاقستاندىق دەلەگاتسيانى مەملەكەتتىك قۇپيالاردى قورعاۋ دەپارتامەنتىنىڭ باسشىسى, پولكوۆنيك يلنۋر بيسەمباەۆ باسقارىپ باردى.
ول سويلەگەن سوزىندە ۇقشۇ-عا مۇشە مەملەكەتتەردىڭ قاتىسۋىمەن سەمينارلار, تەحنولوگيالىق جاتتىعۋلار, وقۋ-جاتتىعۋلار, زەرتحانالىق جۇمىستار تۇرىندە پراكتيكالىق جانە تەحنيكالىق باعىتتاعى بىرلەسكەن ءىس-شارالاردى تۇراقتى تۇردە وتكىزۋ قاجەت ەكەنىن اتاپ ءوتتى. سونىمەن قاتار اقپارات قاۋىپسىزدىگىنە قاتىستى بارىنشا وزەكتى قاۋىپ-قاتەرلەر مەن ولارعا قارسى ءىس-قيمىل شارالارى تۋرالى مالىمەت الماسۋدى تۇراقتى تۇردە ىسكە اسىرۋدى جولعا قويعان ءجون دەدى.
پلەنارلىق وتىرىستا كونفەرەنتسياعا قاتىسۋشىلار اقپارات قاۋىپسىزدىگىنە تونەتىن قاۋىپ-قاتەر توڭىرەگىندەگى ماسەلەلەردى دە قاراستىردى. ودان وزگە ۇلتتىق قارۋلى كۇشتەردە اقپاراتتىڭ ساقتالۋى مەن قورعالۋىن قامتاماسىز ەتۋدە ۇقشۇ-عا مۇشە مەملەكەتتەر وسى باعىتتاعى جۇمىستى جەتىلدىرۋ جايلى تاجىريبە جيناپ, پىكىر الماستى.
كونفەرەنتسيانىڭ ناتيجەلەرى بويىنشا قاتىسۋشىلار اسكەري سالادا اقپارات قاۋىپسىزدىگىن قامتاماسىز ەتۋدىڭ اسا وزەكتى ەكەنىن اتاپ ءوتىپ, ءوزارا ءىس-ارەكەتتى جەتىلدىرۋ جونىندە ۇسىنىستار پىسىقتالدى.
