استانادا ماسادان كەلەر قاۋىپ جوق

استانا. 14 مامىر. ەلوردادا ۋلى ماسالار پايدا بولدى دەگەن حابار جاي عانا قاۋەسەت بولىپ شىقتى. بۇل تۋرالى «24kz» حابارلادى. استانا قالالىق تۇتىنۋشىلار قۇقىقتارىن قورعاۋ دەپارتامەنتى ءبولىمى باسشىسىنىڭ مىندەتىن اتقارۋشى ناعيما شاتاەۆا ۋلى ماسالارعا قاتىستى اقپاراتتىڭ نەگىزسىز ەكەنىن العا تارتىپ وتىر. ول: «ۋلى ماسالار تاراتۋى مۇمكىن دەگەن بەزگەك اۋرۋى سۋبتروپيكالىق سيپاتقا يە. قازاقستان سۋبتروپيكالىق ايماقتا ورنالاسپاعان. ونىڭ ۇستىنە ەلىمىزدە بەزگەكپەن اۋىرعان ادامدار تىركەلگەن جوق. سول سەبەپتى تۇرعىنداردىڭ الاڭداۋى نەگىزسىز», – دەدى. بيىل قالانى دارىلەۋ ىسىنە بيۋدجەتتەن 129 ملن. تەڭگە قارالعان. دەزينفەكتسيالىق جۇمىستاردى «استانا-زەلەنستروي» كوممۋنالدىق كاسىپورنى اتقارۋدا. ايىنا ءبىر مارتە جۇرگىزىلەتىن زالالسىزداندىرۋ شاراسىنا 60-قا جۋىق مامان قاتىسۋدا. بۇلار ەسىل جاعاسى مەن ساياباقتارعا كوبىرەك كوڭىل ءبولىپ وتىر. قالانى دارىلەۋ قىركۇيەككە دەيىن جالعاسپاق. اتالعان دەپارتمەنتتىڭ باس مامانى ايبارشا دۇيسەنبايقىزىنىڭ ايتۋىنشا, قالادا ينفەكتسيا كوزى جوق. ال دەزينفەكتسيالىق شارالاردى جۇرگىزۋدەگى ماقسات – بەزگەك اۋرۋلارىنىڭ الدىن الۋ. جولدىباي بازار. دەرەككوز: «24kz». فوتو: elementy.ru.