«قازگيدرومەت» رمك ماماندارى ۇسىنعان دەرەكتەرگە قاراعاندا, قازاقستاننىڭ وڭتۇستىگىندە, باتىسىندا, شىعىسىندا, وڭتۇستىك-شىعىسىندا كۇن كۇركىرەپ جاڭبىر جاۋادى, ەلىمىزدىڭ قالعان اۋماقتارىندا جاۋىن-شاشىنسىز اۋا رايى ساقتالادى.
«رەسپۋبليكانىڭ باسىم بولىگىندە جەل كۇشەيەدى, وڭتۇستىكتە داۋىل, سولتۇستىكتە, سولتۇستىك-باتىستا تۇندە جانە تاڭەرتەڭ تۇمان كۇتىلەدى», دەلىنگەن حابارلامادا.
بولجامعا سايكەس, جامبىل, قىزىلوردا, تۇركىستان, اقتوبە, الماتى, جەتىسۋ, ۇلىتاۋ, ابايدىڭ وڭتۇستىگى مەن شىعىسىندا توتەنشە ءورت قاۋپى, قاراعاندى وبلىسىنىڭ باتىسىندا, وڭتۇستىگىندە, شىعىسىندا, باتىس قازاقستان وبلىسىنىڭ وڭتۇستىگىندە, اتىراۋ وبلىسىنىڭ وڭتۇستىگىندە, قوستاناي وبلىسىنىڭ وڭتۇستىگىندە جوعارى ءورت قاۋپى ساقتالادى.
«تۇندە اقمولا وبلىسىنىڭ سولتۇستىك-باتىسىندا, قوستاناي وبلىسىنىڭ سولتۇستىگىندە, باتىسىندا, اقتوبە وبلىسىنىڭ سولتۇستىگىندە توپىراق بەتىندە 1-2 گرادۋس ۇسىك جۇرەدى», دەلىنگەن حابارلامادا.
اتاپ وتىلگەندەي, كۇندىز جەتىسۋ, الماتى وبلىستارىنىڭ باسىم بولىگىندە ىستىق اۋا رايى ساقتالادى.
سينوپتيكتەر ەلوردادا جانە رەسپۋبليكالىق ماڭىزى بار ەكى قالادا اۋا رايى قانداي بولاتىنىن ايتتى.
نۇر-سۇلتاندا كوشپەلى بۇلت شىعادى, جاۋىن-شاشىنسىز اۋا رايى ساقتالادى. باتىستان, وڭتۇستىك-باتىستان 9-14 م/س جىلدامدىقپەن جەل سوعادى, تۇندە اۋا تەمپەراتۋراسى +4...+ 6°س, كۇندىز +16...+18°س.
الماتىدا كۇن الا بۇلتتى, جاۋىن-شاشىنسىز. وڭتۇستىك-باتىستان 3-8 م/س جەل سوعادى, تۇندە اۋا تەمپەراتۋراسى +21...+ 23°س, كۇندىز +31...+33°س.
شىمكەنتتە كوشپەلى بۇلت شىعادى, كۇننىڭ ەكىنشى جارتىسىندا وتكىنشى جاڭبىر جاۋادى, كۇن كۇركىرەيدى. سولتۇستىك-شىعىستان 8-13 م/س جەل سوعادى, كۇندىز ەكپىنى 15-20 م/س جەتەدى, اۋا تەمپەراتۋراسى تۇندە +19...+ 21°س, كۇندىز +29...+31°س.
