ء«بىز مەملەكەتتىك-جەكەشەلىك ارىپتەستىكتى كەڭەيتىپ, ينۆەستورلاردى ستۋدەنتتىك جاتاقحانالاردىڭ قۇرىلىسىنا تارتامىز. ولار ءۇشىن مەملەكەت تاراپىنان ارنايى پرەفەرەنتسيالار كوزدەلگەن. مەملەكەتتىك تاپسىرىستى ءبولۋ كەزىندە ءبىز جوو جاتاقحانالارىنىڭ بولۋىن ەسكەرەمىز جانە ستۋدەنتتەردى تۇرعىن ۇيمەن قامتاماسىز ەتۋ ماسەلەسىمەن قارقىندى جۇمىس ىستەيمىز», دەپ اتاپ ءوتتى ۆيتسە-مينيستر قۋانىش ەرعاليەۆ.
ايتا كەتەيىك, قۋانىش ەرعاليەۆ عىلىم جانە جوعارى ءبىلىم ءمينيسترىنىڭ تاپسىرماسى بويىنشا الماتى قالاسىنداعى جوو جاتاقحانالارىنا بارىپ, باسقا قالالاردان كەلگەن ستۋدەنتتەردى تۇرعىن ۇيمەن قامتاماسىز ەتۋدى تەكسەردى. ول جاتاقحانالاردا ورىنداردىڭ بار-جوعىن, وندا ستۋدەنتتەردىڭ تۇرۋى ءۇشىن قانداي جاعدايلار جاسالعانىن تەكسەردى. ۆيتسە-مينيستر ستۋدەنتتەرمەن كەزدەسىپ, ولارمەن اڭگىمەلەستى. ءبىر كۇن ىشىندە ول الماتىنىڭ بىرنەشە ءىرى جوعارى وقۋ ورىندارىندا جانە 10-نان استام جاتاقحانادا بولدى.
الماتىدا ەلىمىزدەگى ستۋدەنتتەردىڭ شامامەن ۇشتەن ءبىرى تۇرادى. جىلدان جىلعا مەگاپوليسكە كەلەتىن ستۋدەنتتەر سانى ارتىپ كەلەدى. وسىعان بايلانىستى شاھاردا ستۋدەنتتىك جاتاقحانالارعا دەگەن سۇرانىس جوعارى. وسىعان بايلانىستى جاتاقحانالارداعى ورىن تاپشىلىعى ماسەلەسىن شەشۋ ءۇشىن جاڭا ستۋدەنتتەر ۇيلەرىنىڭ قۇرىلىسى جۇرگىزىلۋدە جانە جاتاقحانالار مەن قوناق ۇيلەردەگى توسەك-ورىنداردى جالعا الۋ بويىنشا شارتتار مەن مەموراندۋمدار جاسالۋدا.
