اتالعان جارىستىڭ جەكەلگەن باسەكەسىندە ارۋجان ساعىندىقوۆا ونەر كورسەتتى. ىرىكتەۋ سىنىنان سۇرىنبەي وتكەن 17 جاسار قازاق قىزى العاشقى اينالىمدا ليۆ حوۆدەمەن شەبەرلىك بايقاستى. اقش-تىڭ اسا دارىندى ويىنشىسى بيىل جاسوسپىرىمدەردىڭ ۋيمبلدون ءتۋرنيرىنىڭ فينالىنا دەيىن جەتتى. سونىمەن قاتار ليۆ باسقا دا جارىستاردا ەلەۋلى تابىستارعا قول جەتكىزدى. وسىنىڭ بارلىعىن ەلەگەن ۇيىمداستىرۋشىلار حوۆدەگە نيۋ-يوركتەگى دوداعا قاتىسۋىنا Wild Card (WC) بەرگەن ەدى. بىراق تۇساۋكەسەر كەزدەسۋدە ول وزىنەن الدەقايدا تاجىريبەلى قىتاي تەننيسشىسى ۆان تسزياننان ۇتىلدى.
نەبارى 56 مينۋتقا سوزىلعان ساعىندىقوۆا مەن حوۆدە اراسىنداعى تارتىس 6:1, 6:3 ەسەبىمەن امەريكالىق ويىنشىنىڭ پايداسىنا شەشىلدى.
