گۋمانيتارلىق كومەكتىڭ ىشىندە ازىق-ت ۇلىك, كيىم-كەشەك, گيگيەنالىق زاتتار بار. قايىرىمدىلىق كومەك جاساۋ تۋرالى باستامانى العاشقى بولىپ «امانات» پارتياسى كوتەرگەن ەدى, ونى باسقا دا ۇيىمدار, كاسىپكەرلەر جانە قالىڭ كوپشىلىك قوشتاپ كەتتى. ۇلكەن قولداۋ كورسەتكەندەردىڭ اراسىندا جەرگىلىكتى تاۋار وندىرۋشىلەر بار. ماسەلەن, «رادۋگا», DEZ, «راحاتوپت», «شۆەينايا فابريكا «پروگرەسس», «نوعايباي», «ماسلودەل», «ارحستروي», «كۇرىلىس-سەرۆيس سك» جشس-تەرى, «سۇلتان-اممك» اق, «كورونا», «سەۆەرنىي» ساۋدا ۇيلەرى, «مامبەتوۆ ي ك» شق جانە باسقالار بار. ولار قوستاناي وبلىسىنا 15 توننا ۇن, 5 توننا كۇرىش, قاراقۇمىق, ماكارون, كۇنباعىس مايى, قۇرىلىس ماتەريالدارىن جينادى. «قازىر زارداپ شەككەندەرگە جىلى كيىم مەن جامىلعىلار وتە قاجەت, ويتكەنى سۋىق كەلە جاتىر. سونداي-اق ءبىز تازا اۋىز سۋدى جۇكتەدىك. گۋمانيتارلىق جۇك جيناۋعا جانە جونەلتۋگە قاتىسقان ءاربىر كاسىپكەرگە, ءاربىر تۇرعىنعا ولاردىڭ جاناشىرلىعى مەن كومەكتەسۋگە دەگەن ىقىلاسى ءۇشىن ۇلكەن العىسىمدى بىلدىرگىم كەلەدى. جەرگىلىكتى اتقارۋشى ورگاندارعا دا العىس ايتامىز, ولار ۇيىمداستىرۋ ماسەلەلەرىن ءوز موينىنا الدى», دەدى Amanat پارتياسى ايماقتىق فيليالىنىڭ اتقارۋشى حاتشىسى اسەم راحمەتوۆا.
قازىر كوپتەگەن تىلەك بىلدىرۋشىلەر, سونىڭ ىشىندە كاسىپكەرلەر پارتيا فيليالدارىنا وزدەرىنىڭ كومەگىن ۇسىنا وتىرىپ, قوڭىراۋ شالىپ جاتىر. ايتا كەتەيىك, گۋمانيتارلىق كومەك قابىلداۋ پۋنكتتەرى جۇمىسىن جالعاستىرۋدا.
كومەك قابىلداۋ جۇمىستارى جەكسەنبى كۇنى تاڭەرتەڭ باستالدى. پۋنكتتەر پەتروپاۆلدا جانە ءوڭىردىڭ اۋدان ورتالىقتارىندا Amanat پارتياسى فيليالدارىنىڭ عيماراتتارىندا اشىلدى. تاۋارلاردى قابىلداۋدى «جاستار رۋحى» جاستار قاناتىنىڭ ەرىكتىلەرى جۇزەگە اسىرادى.
باسقا ساياسي پارتيالاردىڭ اراسىندا قازاقستاننىڭ حالىق پارتياسى دا ءوز كومەگىن جيناۋدا. ولار قوعامدىق ۇيىمداردان قارجى جيناپ, ونى وزدەرىنىڭ قوستانايداعى فيليالىنىڭ بەلسەندىلەرىنە اۋدارۋدا. بۇل كومەككە پەتروپاۆل قالاسىنىڭ قوعامدىق كەڭەسىنىڭ مۇشەلەرى دە اتسالىسىپ, ارقايسىسى 10 مىڭ تەڭگەدەن اۋداردى.
«مەن ناقتى ىسپەن كومەكتەسكىم كەلەدى. ءوزىمدى باسپاناسىز قالعان جانە كەشەگى جانە وتكەن ءتۇندى قورقىنىش پەن بەلگىسىزدىكپەن باستان وتكەرگەن ادامداردىڭ ورنىندا ەلەستەتە المايمىن. وسىنداي ۋاقىتتا قازاقستاندىقتاردىڭ بىرلىگىن كورسەتۋ كەرەك. بارشاڭىزدى كومەك كورسەتۋگە شاقىرامىن», دەيدى قايىرجان ايسين ەسىمدى قالا تۇرعىنى. وسىنداي جاناشىرلىق پىكىرلەر ايتىپ جۇرگەندەر كوپ. قىسىلتاياڭدا حالىق ءبىر جەڭنەن قول, ءبىر جاعادان باس شىعارا الاتىنىن كورسەتتى.
پەتروپاۆل
