TAMYR شىعارماشىلىق توبىن شىمكەنت قالاسى مەن تۇركىستان وبلىسىنىڭ سۋرەتشىلەرى قۇردى. كەيىن بىرلەستىك قۇرامىنا رەسەي مەن قىرعىزستان سۋرەتشىلەرى قوسىلىپ, حالىقارالىق مارتەبەگە يە بولدى.
ايتا كەتەيىك, بۇل – سۋرەتشىلەردىڭ ۇلتتىق مۋزەيدەگى ەكىنشى كورمەسى. بيىل قىلقالام شەبەرلەرى تىڭ تۋىندىلارىن ۇسىنۋمەن قاتار مۋزەيمەن بىرلەسىپ, بەينەلەۋ ونەرىنىڭ قازىرگى جاعدايىن تالقىلاپ, دوڭگەلەك ۇستەل ۇيىمداستىردى.
سۋرەتشى سۇلتان يلياەۆ شىعارماشىلىق بىرلەستىكتەردىڭ ونەردىڭ دامۋىنا قوساتىن ۇلەسى تۋرالى ءسوز قوزعادى.
«ەلىمىزدە شىعارماشىلىق بىرلەستىكتەر تۋرالى زاڭ قابىلدانىپ, ولار رەسمي ستاتۋسقا يە بولسا, بارلىق سۋرەتشىلەر «جالعىزدىڭ ءۇنى شىقپاس» دەمەكشى, بىرلەستىك اياسىندا قىزمەت ەتىپ, كورمە ۇيىمداستىرۋ, كونكۋرستىق ىرىكتەۋدەن ءوتۋ سىندى كوپتەگەن ماسەلەنى شەشۋدە ۇيىم تاراپىنان قولداۋ تابار ەدى», دەدى ول.
ماسەلەن, كەيبىر سۋرەتشىلەر كۇنكورىس قامى ءۇشىن ءتاۋىر تۋىندىلارىن از اقشاعا ساتۋعا ءماجبۇر. سونىمەن قاتار ء«اي دەيتىن اجە, قوي دەيتىن قوجا جوق» زاماندا ساپاسى تومەن جۇمىستاردى كوركەمسۋرەت ونەرىنىڭ شىڭى دەپ ۇسىناتىندار دا جوق ەمەس.
كەزىندە ءمۇسىنشى ەركىن مەرگەنوۆ كسرو سۋرەتشىلەر وداعىنىڭ جۇمىسىن ۇلگى ەتىپ, قىلقالام شەبەرلەرىن بىرىكتىرىپ, قولداۋ كورسەتۋ كەرەكتىگىن ايتقان ەدى. سول كەزدەگى جۇيەلى قولداۋدىڭ ناتيجەسىندە بەلگىلى ەلۋ قازاق سۋرەتشىسى دۇنيەگە كەلگەن ەدى.
TAMYR توبىنىڭ مۇشەلەرى ۇلتتىق مۋزەيگە كورمە ۇيىمداستىرۋعا قولداۋ كورسەتكەنى ءۇشىن العىستارىن ايتىپ, ەكى تاراپ ىنتىماقتاستىق پەن سەرىكتەستىكتى بەكىتۋ مەن نىعايتۋ ماقساتىندا مەموراندۋمعا قول قويۋ كەرەكتىگىن ايتتى.
