قالالىق تجد مالىمەتىنشە, 6 قىركۇيەك كۇنى ساعات 14:04-تە ءورت ءسوندىرۋ قىزمەتى الاتاۋ اۋدانى, نۇرپەيىسوۆ كوشەسى 2ا مەكەنجايى بويىنشا وقيعا ورنىنا بارعان.
ء«ورت سوندىرۋشىلەر حابارلاما تۇسكەننەن كەيىن بەس مينۋت ىشىندە وقيعا ورنىنا جەتتى. ولار كەلگەندە ۇش قاباتتى كەڭسە عيماراتىنىڭ ەكىنشى قاباتىنداعى 45 شارشى مەتر جەر ورتەنىپ كەتكەن. ءورت 14:23-تە وقشاۋلانىپ, 14:43-تە جويىلدى. قۇرباندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر», دەلىنگەن حابارلامادا.
ايتا كەتەيىك, ءورتتى سوندىرۋگە 14 تەحنيكا مەن جەكە قۇرامنىڭ 47 ادامى جۇمىلدىرىلعان.
