كەش باستالماس بۇرىن فويەدە كەلۋشىلەرگە ارنالىپ «الاتاۋ» فولكلورلىق ءانسامبلىنىڭ ورىنداۋىندا مۇحتار شاحانوۆ اندەرىنەن راديو-فون كونتسەرتى ۇسىنىلدى. «بالاساعۇن» ورتالىق كونتسەرت زالىنا جينالعان جۇرتشىلىق اقىن شىعارماشىلىعىنا ارنالعان ش.ءۋاليحانوۆ اتىنداعى وبلىستىق امبەباپ عىلىمي كىتاپحاناسىنىڭ كورمەسىن تاماشالادى.
ءىس-شارا بارىسىندا لەد ەكران ارقىلى مۇحتار شاحانوۆ تۋرالى زامانداستارىنىڭ پىكىرلەرى بەرىلىپ, قالامگەردىڭ «تاناكوز» پوەماسى جەلىسىمەن ساحنالانعان كومپوزيتسيا كوپشىلىك نازارىنا ۇسىنىلدى. مەرەيتوي يەسى وقىرمان قاۋىممەن سۇحباتتاسىپ, كوكەيكەستى ويلارىن ورتاعا سالدى. سونداي-اق ۇلتتىق رۋحقا, سەزىم, كوڭىل كۇي ليريكالارىنا نەگىزدەلگەن جىرلارىن شابىتتانا وقىپ, جىرسۇيەر قاۋىمنىڭ قوشەمەتىنە بولەندى. بۇل كۇنى جەرگىلىكتى انشىلەردىڭ ورىنداۋىندا اۆتوردىڭ تىڭدارماندارعا كەڭىنەن تانىمال اندەرى دە شىرقالدى.
كەش سوڭىندا ءوڭىر باسشىسى نۇرجان نۇرجىگىتوۆ جۋىردا عانا قازاقستاننىڭ ەڭبەك ەرى اتانعان قايراتكەر اقىننىڭ شىعارماشىلىعىن, ەل دامۋىنا, قازاق ادەبيەتى مەن رۋحانياتىنا قوسقان ولشەۋسىز ۇلەسى مەن ەڭبەگىن ايرىقشا اتاپ ءوتتى.
ء«وزىڭىزدىڭ ەرەكشە تالانتىڭىز ارقىلى حالىق ماقتانىشىنا اينالىپ, ۇلتتىق رۋحىمىزعا نەگىزدەلگەن قازاق پوەزياسىنىڭ اسقاقتاۋىنا ايرىقشا ۇلەس قوسقان ازاماتسىز. ولەڭسۇيەر قاۋىم ءسىزدىڭ شىعارمالارىڭىزدى وقي وتىرىپ, بىردە پاتريوتتىق رۋحقا, ۇلتجاندىلىق سەزىمگە بولەنسە, ەندى بىردە ماحاببات جىرىن جىرلايدى», دەدى وبلىس اكىمى.
ءوز كەزەگىندە اقىن دا قوشەمەتكە بولەگەن جامبىلدىقتارعا ىستىق ىقىلاسىن ءبىلدىرىپ, اق باتاسىن بەردى.
جامبىل وبلىسى
