«جەتىسۋ وبلىسى اكىمىنىڭ وكىمىمەن ءادىل الماس قابدۋل ۇلى تەكەلى قالاسىنىڭ اكىمى بولىپ تاعايىندالدى», دەپ حابارلادى وبلىس اكىمدىگىنىڭ ءباسپاسوز قىزمەتى.
الماس ءادىل 1980 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «يۋريسپرۋدەنتسيا» ماماندىعى بويىنشا بىتىرگەن.
ەڭبەك جولىن «قاينار» اق زاڭگەرى بولىپ باستاعان. وسى جىلدار ىشىندە تالدىقورعان قالاسىنداعى قازاقستان رەسپۋبليكاسى ۇلتتىق بانكى جانە كازكوممەرتسبانك فيليالدارىندا زاڭگەر-كەڭەسشى, «تانيكەەۆا م.ا.» جك ديرەكتورى, باس مامان, ءبولىم مەڭگەرۋشىسى, قالا اكىمشىلىگىنىڭ باسشىسى قىزمەتتەرىن اتقاردى. تالدىقورعان قالاسى اكىمىنىڭ ورىنباسارى, وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى قىزمەتىن اتقارعان.
2016 جىلدىڭ شىلدە ايىنان بەرى كوكسۋ اۋدانىنىڭ اكىمى.
اكىمدىكتىڭ حابارلاۋىنشا, تەكەلى قالاسىنىڭ بۇرىنعى اكىمى مولداحمەتوۆ باتىر قايىركەن ۇلى ءوز ءوتىنىشى بويىنشا قىزمەتىنەن بوساتىلدى. ول بۇل قىزمەتتى 2020 جىلدىڭ قىركۇيەگىنەن بەرى اتقارىپ كەلەدى.
