بۇعان دەيىن تۇسىنىكسىز باعىتتا ۇشىپ بارا جاتقان اۋە كولىگىنىڭ جاي-جاپسارىن انىقتاۋ ءۇشىن ناتو ءوز ۇشاقتارىن دا كوككە كوتەرگەن ەدى.
FlightRadar24 حابارلاۋىنشا, اۋستريادا تىركەلگەن Cessna 551 ۇشاعى يسپانيانىڭ وڭتۇستىگىندەگى حەرەس قالاسىنىڭ بەلگىسىز نۇكتەسىنەن اۋە كەڭىستىگىنە كوتەرىلگەن.
ۇشاق پاريج بەن كەلن ماڭىندا ەكى رەت باعىتىن وزگەرتكەن. ەكىنشى مارتە شۆەتسيانىڭ گوتلاند ارالىنىڭ جانىنان بالتىق تەڭىزىنىڭ ۇستىنەن ۇشىپ وتكەن. جەرگىلىكتى ۋاقىت بويىنشا ساعات 17:37-دە ۇشاق راداردان جوعالىپ كەتكەن.
نەمىس جانە دانيانىڭ اسكەري ۇشاقتارى وزدەرىنىڭ اۋە كەڭىستىگىنەن ءوتىپ بارا جاتقان Cessna-نى باقىلاۋ كەزىندە ونىمەن بايلانىس ورناتا الماعان.
نەمىستىڭ Bild گازەتى ۇشاقتا بارلىعى 4 ادام بولعان دەگەن بولجام ايتىپ وتىر.
لاتۆيانىڭ ءوتىنىشى بويىنشا ىزدەستىرۋ-قۇتقارۋ جۇمىستارىن جۇرگىزۋ ءۇشىن ليتۆا اۋە كۇشتەرىنىڭ تىكۇشاعى اپات ورنىنا جىبەرىلدى. ال لاتۆيا تاراپى اپات ورنىنا كەمەلەرىن جىبەردى.
