اقشولاقوۆتىڭ ايتۋىنشا, بيىل قازاقستاندا مۇناي وڭدەۋ جانە جانار-جاعارماي ءوندىرۋ كولەمى ارتقان.
«2022 جىلعا ارنالعان مۇناي ونىمدەرىن ءوندىرۋ بولجامى 13,72 ملن توننانى قۇرايدى, بۇل 2021 جىلمەن سالىستىرعاندا 1 ملن تونناعا ارتىق. اعىمداعى جىلدىڭ 8 ايىنىڭ قورىتىندىسى بويىنشا ديزەلدىك وتىن ءوندىرىسى 3,53 ملن توننانى قۇرادى, بۇل 2021 جىلدىڭ سايكەس كەزەڭىمەن سالىستىرعاندا 259 مىڭ تونناعا نەمەسە 10,5%-عا ارتىق», دەدى مينيسترلىك باسشىسى.
باسقارما باسشىسى 2022 جىلدىڭ قىركۇيەك ايىنىڭ سوڭىنا جوسپارلانعان ءوندىرىس كولەمىن ەسكەرە وتىرىپ, مۇناي بازالارىنداعى قالدىق 153 مىڭ توننا دەڭگەيىندە بولجانعانىن, بارلىعى 275 مىڭ توننانى قۇرايتىنىن اتاپ ءوتتى. بىراق سوعان قاراماستان ەلدە ديزەل وتىنىنىڭ تاپشىلىعى ءالى دە بايقالادى. وسىعان بايلانىستى جاقىن ارادا قازاقستانعا رەسەيدەن تاعى 100 مىڭ توننا ديزەل وتىنى اكەلىنبەك.
«بولجام بويىنشا كولەمى ەكى پارتيا, جالپى كولەمى 100 مىڭ تونناعا دەيىن جەتەدى. بۇل كولەم رەسەي فەدەراتسياسىنان بولاتىنى انىق. جاقىن ماڭداعى باسقا جەتكىزۋشىلەردە مۇنداي كولەمدە ديزەلدىك وتىنى جوق. مۇنىڭ بارلىعى ينديكاتيۆتىك تەڭگەرىمدەرگە ەنگىزىلگەن», دەدى بولات اقشولاقوۆ ورتالىق كوممۋنيكاتسيالار قىزمەتىندە وتكەن بريفينگتە.
