الماتى وبلىسى اكىمىنىڭ وكىمىمەن جانە پرەزيدەنت اكىمشىلىگىنىڭ كەلىسىمى بويىنشا نۇرجان قۇدايبەرگەنوۆ الماتى وبلىسى اكىمىنىڭ ورىنباسارى بولىپ تاعايىندالدى.
نۇرجان قۇدايبەرگەنوۆ 1963 جىلى تۋعان.
1986 جىلى الماتى ساۋلەت-قۇرىلىس ينستيتۋتىن «ساۋلەتشى» ماماندىعى بويىنشا, 2010 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن «ەكونوميكا جانە بيزنەس» ماماندىعى بويىنشا تامامداعان.
ەڭبەك جولىن 1986 جىلى قازاقستان فوسفور وندىرىستىك عىلىمي-زەرتتەۋ ينستيتۋتىنىڭ ينجەنەرى بولىپ باستاعان.
ءار جىلدارى «الماتى باس جوسپارى» مەملەكەتتىك جوبالاۋ ينستيتۋتىنىڭ ساۋلەتشىسى, «ساۋلەت» شاعىن ساۋلەت-وندىرىستىك كاسىپورنىنىڭ ساۋلەتشىسى, «گەوساۋلەت» مەملەكەتتىك كوممۋنالدىق قازىنالىق كاسىپورنىنىڭ ينجەنەر-ساۋلەتشىسى, ىلە اۋدانى اكىمى اپپاراتىنىڭ باس مامان – باس ساۋلەتشىسى, ىلە اۋدانىنىڭ قالا قۇرىلىسى جانە قۇرىلىس ءبولىمىنىڭ باستىعى, تەكەلى قالاسى, ەڭبەكشىقازاق اۋدانى اكىمدەرىنىڭ ورىنباسارى, ەڭبەكشىقازاق اۋدانى اكىمىنىڭ ءبىرىنشى ورىنباسارى بولعان.
2019 جىلدىڭ قىركۇيەگىنەن رايىمبەك اۋدانىنىڭ اكىمى قىزمەتىن اتقارا باستادى.
ايتا كەتسەك, 23 تامىزدا الماتى وبلىسىنىڭ اكىمدىگىندە كادرلىق اۋىس-ءتۇيىس بولدى. وبلىس اكىمى مارات سۇلتانعازيەۆ بىرقاتار باسقارما باسشىسىن تاعايىندادى.
