كەزدەسۋدى الاڭ يەلەرى قارقىندى باستادى. 9-مينۋتتا دميتري سوكولوۆ جانە 22-مينۋتتا نيك مەركلي قاتارىنان ەكى شايبانى ءبىزدىڭ قاقپاعا ەنگىزدى. بۇل جاعداي جەرلەستەرىمىزدىڭ جىگەرىن جاسىتا العان جوق. 37 جانە 42-مينۋتتاردا مەرگەندىك تانىتقان انتون ساگادەەۆ تارازى باسىن تەڭەستىرسە, 47-مينۋتتا كارىم بەكەتاەۆ نىسانانى ءدال كوزدەپ, «بارىستى» العا شىعاردى. بىراق وزدەرىنە ءتيىمدى ەسەپتى قوناقتار ۇستاپ تۇرا المادى. باسەكەنىڭ اياقتالۋىنا ءسال عانا ۋاقىت قالعاندا برەندون كوزۋن گول سوعىپ, جەرگىلىكتى كورەرمەندەردى قۋانتتى. وۆەرتايمدا تابلوداعى ەسەپ وزگەرگەن جوق. ال بۋلليت سوعۋ بارىسىندا «دينامونىڭ» جولى بولدى – 4:3.
ءوزىنىڭ كەلەسى ويىنىن «بارىس» 5 قىركۇيەكتە سانكت-پەتەربۋرگتە سكا-عا قارسى وتكىزەدى. ارادا ەكى كۇن وتكەننەن سوڭ بالاشيحاعا اتتانىپ, «ۆيتياز» كلۋبىمەن كۇش سىناسامىز. 9 قىركۇيەكتە سوچيگە ساپار شەگەمىز. ال ودان كەيىنگى كەزدەسۋلەر نۇر-سۇلتاندا وتەدى.
