وتىنىشتە بيىل شىلدە ايىنىڭ سوڭىندا ك.تسەتكين كوشەسىنە جانە وعان جاسپارلاس جولداردى دا قامتيتىن «جۇك اۆتوموبيلدەرىنىڭ قوزعالىسىنا تىيىم سالىنادى» دەگەن جول بەلگىسىنىڭ زاڭسىز قويىلعانى تۋرالى ايتىلعان. ويتكەنى اتالعان كاسىپورىندارعا باراتىن باستى جول وسى كوشە عانا. سوندىقتان جۇك كولىكتەرىنىڭ بۇل كوشەمەن ءجۇرۋى مۇڭعا اينالدى.
ايتا كەتۋ كەرەك, كوشە بويىنداعى وندىرىستىك نىساندار مەن ونداعى قويمالار قانشا جىلدان بەرى جۇمىس ىستەپ كەلەدى. بۇل – ۇن, تەحنيكا, قۇرىلىس ماتەريالدارى جانە باسقا دا تۇتىنۋ تاۋارلارىن ءوندىرۋ, جەتكىزۋ مەن ساقتاۋدا قالانىڭ وزىندىك ءبىر لوگيستيكالىق حابى. سەبەبى قويماعا تاۋارلار تەمىرجول ۆاگوندارىمەن جەتكىزىلىپ, كۇندەلىكتى جۇك كولىكتەرىمەن جان-جاققا تاسىمالدانادى.
ء«بىزدىڭ ونىمدەردى كۇن سايىن كليەنتتەرىمىز جۇك كولىكتەرىمەن تاسىپ اكەتەدى. سونىمەن بىرگە وزىمىزگە الماتى مەن رەسەيدەن كۇن سايىن جۇك تاسىعىش اۋىر كولىكتەر شيكىزات تاۋارلارىن اكەلەدى. ەندى الگى جۇك كولىكتەرىنە تىيىم سالاتىن جول بەلگىسى پايدا بولعالى ماشينالار بىزگە كىرە الماي قالدى, جولدا جۇرگەنىن كورسە جول پوليتسياسى دەرەۋ توقتاتادى. سوندىقتان بۇل جول بەلگىسى قولىمىزدى بايلاپ, اياعىمىزعا تۇساۋ بولىپ وتىر», دەيدى كاسىپكەرلەر ءوز شاعىمىندا.
اتالعان ماسەلە بويىنشا پالاتا ماماندارى قالالىق پوليتسيا دەپارتامەنتى اكىمشىلىك پوليتسيا باسقارماسىنىڭ جول-تەحنيكالىق ينسپەكتسيا بولىمىمەن حابارلاستى. بەلگىلى بولعانداي, اۆتوجولدىڭ وسى ۋچاسكەسىندە جول بەلگىسىن ورناتۋ تۋرالى نۇسقاما پوليتسيا دەپارتامەنتىنە قاراستى ءبولىم تاراپىنان بەرىلمەگەن. سوندا نۇسقاما قايدان كەلگەن؟! بۇدان بولەك, ءىرى كومپانيالاردىڭ كليەنتتەرىنەن, مەملەكەتتىك قازىنا سالىقتىق تۇسىمدەرىنەن ايىرىلعانى ءۇشىن كىم جاۋاپ بەرەدى, كىنالى كىم دەگەن ساۋالىنا دا ناقتى جاۋاپ تابىلمادى.
دەي تۇرعانمەن, وسىعان قاتىستى ماسەلە كاسىپكەرلەر پالاتاسىنىڭ جانىنداعى كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس-ارەكەت جونىندەگى كەڭەستىڭ قاراۋىنا ۇسىنىلدى. ويتكەنى مۇنداي وقيعا جيىلەپ كەتكەن. سونىڭ سالدارىنان كاسىپكەرلەردىڭ جۇمىسىنا كەدەرگىسىن كەلتىرە باستادى. اسىرەسە حالىقتى ءبىرىنشى قاجەتتىلىكتەگى ونىمدەرمەن قامتاماسىز ەتەتىن ەلدىڭ ءىرى ەكسپورتتاۋشىلارى مەن وتاندىق
تاۋار وندىرۋشىلەرىنىڭ قۇقىقتارى مەن زاڭدى مۇددەلەرىنە نۇقسان كەلتىردى.
وسى رەتتە كەڭەس وتىرىسىنا قاتىسقان شىمكەنت قالاسى پروكۋرورىنىڭ ءبىرىنشى ورىنباسارى نۇرجان سەيداليەۆ ك.تسەتكين كوشەسىندەگى جول بەلگىسى جاقىن ۋاقىتتا الىناتىنىنا جانە سول ماڭايداعى جولدار دا جۇك كولىكتەرىنىڭ كەدەرگىسىز قوزعالىسىن قامتاماسىز ەتۋ ءۇشىن تەكسەرىلەتىنىنە ۋادە بەردى. كەڭەس وتىرىسى اياقتالعان سوڭ شامامەن ءبىر ساعاتتاي ۋاقىت وتكەندە كاسىپكەرلەردىڭ «باس اۋرۋىنا» اينالعان جول بەلگىسىنىڭ الىنىپ تاستالعانى تۋرالى حابار كەلدى.
بۇل رەتتە پالاتا ساراپشىلارى تىيىم سالاتىن جول بەلگىسىن نەگىزسىز بەلگىلەۋ كاسىپورىنداردىڭ قىزمەتىنە تەرىس اسەر ەتەتىنىن جانە بيزنەس سۋبەكتىلەرى ءۇشىن قوسىمشا قارجى شىعىندارىنا اكەپ سوعاتىنىن ايتىپ وتىر.
– ءيا, ەلىمىزدە ورىن العان قاڭتارداعى قايعىلى وقيعالاردىڭ سالدارى جانە رەسەي مەن ۋكراينا اراسىنداعى جاعدايدىڭ شيەلەنىسۋى كاسىپكەرلىك بەلسەندىلىكتىڭ تومەندەۋىنە, قارجىلىق قۇلدىراۋعا, دەبيتورلىق بەرەشەكتىڭ وسۋىنە, شارتتىق مىندەتتەمەلەردىڭ ورىندالماۋىنا, جۇمىس ورىندارىنىڭ قىسقارۋىنا, سونداي-اق ەكونوميكانىڭ جەكەلەگەن سالالارىنداعى تاۋارلارعا, قىزمەتتەرگە جانە جۇمىستارعا تۇتىنۋشىلىق سۇرانىستىڭ تومەندەۋىنە الىپ كەلدى. وسىنداي جاعدايدا كاسىپكەرلەردىڭ جولىن بوگەمەي, كەرىسىنشە قولداۋ ءبىلدىرۋ كەرەك, – دەيدى پالاتا جانىنداعى تۇراقتى كەڭەستىڭ توراعاسى مەلەس سەيىتجانوۆ.
ءوز كەزەگىندە مەملەكەت باسشىسىنىڭ تالاپتارىن ورىنداۋ جانە وتاندىق بيزنەسمەندەردىڭ تولىققاندى جانە باسەكەگە قابىلەتتى بولۋى ءۇشىن جاعدايلارىن جاقسارتۋ, جاڭا جۇمىس ورىندارىن قۇرۋ, رەسپۋبليكادا يمپورتتى الماستىرۋ جانە ازىق-ت ۇلىك قاۋىپسىزدىگىن قامتاماسىز ەتۋ بويىنشا جۇرگىزىلىپ جاتقان جۇمىستارعا قاراماستان, ءىس جۇزىندە بيزنەستە اكىمشىلىك كەدەرگىلەر ءالى دە بار جانە ولاردىڭ كوپشىلىگى جاساندى تۇردە جاسالۋدا, دەيدى پالاتا وكىلدەرى.
شىمكەنت
