تەاتر • 04 قىركۇيەك، 2022

مەرەيتويلىق ماۋسىم مەيمانى

52 رەت كورسەتىلدى

تەاتر الەمىندەگى ەلەۋلى وقيعانىڭ ءبىرى – «استانا وپەرا» تەاترىنىڭ ح مەرەيتويلىق ماۋسىمى 9 قىركۇيەكتە شىمىلدىق تۇرەدى. وسىعان وراي الەمدىك ساحنانىڭ پريمادونناسى، «گرەممي» سىيلىعىنىڭ يەگەرى سۋمي چو قازاق ساحناسىندا ونەر كورسەتەدى. «استانا وپەرانىڭ» باس ديريجەرى الان بورىباەۆتىڭ جەتەكشىلىگىمەن وتەتىن گالا-وپەرانىڭ كورەرمەنىنە ۇسىنار جاڭالىعى كوپ.

كوللاجدى جاساعان زاۋرەش سماعۇل، «EQ»

ءوزارا مادەنيەتارالىق ال­­ماسۋ جىلىنا وراي كو­رەيا رەسپۋب­ليكا­سىنىڭ قازاق­ستانداعى ەل­شىلىگىنە قا­راستى كورەي مادە­ني ورتا­لى­عىنىڭ قولداۋىمەن ۇيىم­داستىرىلعان كەشتە سۋمي چومەن بىرگە قازاقستان­دىق جۇل­دىزدار – ازامات جىل­تىر­كوزوۆ، مە­دەت شوتاباەۆ، تاتيانا ۆي­تسين­­سكايا، سونداي-اق اتاقتى ماە­سترو الان بورىباەۆتىڭ جە­تەك­­­­شىلىگىمەن «استانا وپەرا» حورى مەن وركەسترى ونەر كور­سە­تەدى. ار­تىستەر تانىمال قازاق، كورەي جانە باتىسەۋروپالىق شىعارمالاردى ورىندايدى. مازمۇندى باعدارلاماعا ا.جۇ­بانوۆ پەن ل.ءحاميديدىڭ «اباي» وپەراسىنان كوپ­شى­لىك­تىڭ ءسۇيىپ تىڭدايتىن «توي­باستار» ساحنالىق كورى­نىسى، ج.وففەنباحتىڭ «گوف­مان ەرتەگىلەرى» وپەراسى­نان وليمپيا شۋماقتارى، ف.لەگار­دىڭ «كۇلكى ەلى» وپەرەتتاسىنان حانزادا سۋ حونگتىڭ ارياسى، «پۋريتاندىقتار» وپە­راسىنان ريكاردونىڭ اريا­سى جانە تاعى باسقا كوپتەگەن تۋىندى ەنگەن.

بۇل كورەيالىق ايگىلى ءان­شىنىڭ قازاقستانعا العاشقى ونەر ساپارى ەمەس. بۇعان دەيىن دە ەلورداعا ەكى رەت كەلگەن ونەر يەسى استانالىق كورەرمەننىڭ ىستىق ىقىلاسىن ساعىنا ەسكە الدى.

– اراعا 10 جىل سالىپ قا­زاق­ستان مەن كورەيا ەلدەرىنىڭ ­مىز­عىماس دوستىعىنىڭ ارقا­سىن­دا قازاقستاندىق كورەر­­مەن­دەر­مەن تاعى دا كەزدەسەتى­نىم­­­­دى ويلاپ ءارى قۋانىپ، ءارى تول­­قىپ ءجۇر­­مىن. اسىرەسە وسى جوبادا الان بورىباەۆ سىندى الەم­دىك مۋزىكانىڭ الىبىمەن بىرگە جۇ­مىس ىستەيتىنى­مە وتە قۋانىش­تى­مىن. ول – كەرەمەت دارىندى عانا ەمەس، ادامگەرشىلىگى مول ازامات. ەۋروپا مەن امەريكادا بەلگىلى وركەسترلەرگە ديريجەرلىك ەتكەن دارىندى ديريجەردىڭ تالانتىنا ءتانتىمىن جانە ايتۋلى كونتسەرتكە ارنالعان باع­دارلاما تۇجىرىمداماسىن بىرگە جاساۋ مۇمكىندىگىنە يە بولعانىما قاتتى قۋاندىم، دەگەن ءانشى ونەر تۋراسىندا­عى كەلىستى اڭگىمەسىن ودان ءارى جالعادى: – ەگەر كوپشىلىك كو­رەرمەن بۇقارالىق مادە­نيەت­­تەن قۋانىش تاباتىن بول­­سا، ال وپەرا ءتۇرلى داۋىر­لەر مەن ولاردىڭ تاريحي ەرەك­شە­لىكتەرىن بەينەلەيتىن سين­تە­تيكالىق ونەردىڭ ەرەكشە جان­رى بولىپ سانالادى. وسى ءبىر ەرەكشە ونەردىڭ وكىلى بولعا­نى­ما باقىتتىمىن، دەيدى جۇلدىز.

بۇگىنگى تاڭدا سۋمي چو الەم­دەگى ەڭ تانىمال انشىلەردىڭ قاتا­رىندا. ونداعان جىلدار بويى ونىڭ ەسىمى ەڭ ۇزدىك وپەرا تەاترلارى مەن كونتسەرت زالدارى افيشالارىنىڭ كوركىن اشىپ كەلەدى. ودان بولەك، ءانشىنىڭ ەرەك ءۇنىن رومان پولانسكيدىڭ «توعىزىنشى قاقپا» فيلمىنەن دە تىڭ­داپ، تامسانۋعا بولادى. سۋمي چونىڭ ونەر ادامى رەتىن­دەگى ەرەكشەلىگى سول – ول تىڭ­دارمانىن تاڭعاجايىپ ءسان­دى كيىمدەرى­مەن عانا ەمەس، باي رەپەرتۋارىمەن دە تاڭ­عال­دىرعاندى جانى سۇيەدى. سونى­مەن قاتار ءانشى ءوز شىعار­ماشىلىعىندا تاجىريبەگە ءجيى جۇگىنەدى. ماسەلەن، رەپەرتۋارىن باروككودان crossover-گە دەيىن تۇرلەندىرگەندى جاقسى كورەدى. وڭتۇستىك كورەيادا سۋمي چونىڭ دارىنى جوعارى باعا­لانادى. ءانشى بىرنەشە مارتە مەم­لەكەتتىك ناگرادالارمەن مارا­پاتتالعان جانە وعان «ۇلت­تىق يگىلىك» قۇرمەتتى مارتەبەسى بەرىلگەن.

ءسوز سوڭىندا ءانشى كورەر­مەن قاۋىمعا قويىلىمدار، ولاردىڭ وقيعالار جەلىسى تۋرالى كوبىرەك ايتۋعا كەڭەس بەردى. تەاتر ءىسىنىڭ دامۋى توقتاپ قال­ماۋى ءۇشىن قازىرگى ءداۋىردىڭ تەندەنتسيالارىن كورسەتەتىن وپەرا شىعارمالارىنا نازار اۋدارۋ قاجەت ەكەنىن دە العا تارتتى. سونداي-اق وپەرا ديۆاسى مۋزىكا جولىن شەك­سىز دەپ سانايتىنىن ايتىپ، ال­داعى جوس­پارلارى تۋرالى دا بۇكپەسىز بايانداپ بەردى:

– بۇگىنگە دەيىن مەن ءارتۇرلى الەمدىك تۋىندىلارى بار 50-دەن استام البوم شىعاردىم جانە وسىمەن شەكتەلىپ قال­عىم كەلمەيدى. ءالى دە ءوز شىعارما­شى­لىعىمنىڭ اۋقىمىن كە­ڭەي­تىپ، مۋزىكا الەمىنىڭ جاڭا مۇم­كىندىكتەرىن بايقاپ كورسەم دەي­مىن. بولاشاقتا ءوزىمدى جاڭا سالالاردا سىناپ كورگىم كەلەدى. ونەر – شەتسىز-شەكسىز مۇحيت. دەمەك مەنىڭ دە ونەرىم سول الىپ مۇحيتقا قۇيىلعان تامشى ىسپەتتەس. سوندىقتان دا ونەردەگى ءوز تاجىريبەم مەن ەڭبەگىمدى كلاسسيكالىق مۋزى­كا جولىن تاڭداعان ارتىستەر­دىڭ كەلەسى بۋى­­نىنا جەتكىزۋ­گە با­رىمدى سالا­­مىن جانە يۋنەسكو-نىڭ «بەي­بىتشىلىك ءارتىسى» اتاعى­نىڭ يەگەرى رەتىن­دە ءارتۇرلى مادە­نيەتتەر مەن الەمنىڭ ءوزارا قارىم-قاتىنا­سىن العا جىلجىتۋ ءۇشىن تىنباي جۇمىس ىستەيمىن. «استانا وپەرا» تورىندە وتەتىن الداعى كونتسەرت سول ماق­ساتىمنىڭ باستاۋى»، دەپ ءانشى ءسوزىن تۇيىندەدى.

سوڭعى جاڭالىقتار

ايتىپ كەلگەن اپات

ايماقتار • كەشە

«مىڭ بالا» جەڭىمپازدارى

رۋحانيات • كەشە

اقيقاتتىڭ اي ديدارى – ءباسپاسوز

ەگەمەن قازاقستان • كەشە

ىنتىماقتاستىق ىقپالى

ەكونوميكا • كەشە

جاڭا فورماتتاعى ساۋدا

ەكونوميكا • كەشە

جوتەلگە جەڭىل قاراماڭىز

مەديتسينا • كەشە

بىتىمگەرشىلىك ساردارلارى

قازاقستان • كەشە

جىپ-جىلى جۇرەك بۋىنداي

ادەبيەت • كەشە

داۋىستىڭ دا ءتۇسى بار

ادەبيەت • كەشە

ۇقساس جاڭالىقتار