«بۇگىنگى كۇنى قوستاناي وبلىسى بويىنشا جەرگىلىكتى اۋقىمداعى تج جاريالاندى. وبلىس اكىمدىگىنىڭ رەزەرۆىنەن زارداپ شەككەندەرگە كومەك كورسەتىلدى. بۇل, ەڭ الدىمەن, جاتىن ورىن جانە تاماقتانۋ. 1800 ادام ەۆاكۋاتسيالاندى. مەكتەپتەردە 200-گە جۋىق ادام تۇراقتادى. كوبىسى قاۋىپسىزدىگىن تەكسەرىپ ءوز ۇيلەرىنە ورالدى, قالعاندارى تۋىستارىن پانالادى.
ايماق باسشىسى حابارلاعانىنداي, زارداپ شەككەندەردىڭ جاڭا ءۇي سالۋعا نەمەسە وتەماقى الۋعا مۇمكىندىگى بار», دەپ جازىلعان حابارلامادا.
سونداي-اق ءورت كەزىندە باسپاناسى ورتەنىپ كەتكەندەر ءۇشىن سالىناتىن ۇيلەردىڭ قۇرىلىسى قىسقا مەرزىمدە جۇزەگە اسىرىلاتىنى ايتىلعان.
«بۇگىن 108 عيمارات زارداپ شەكتى, ونىڭ ىشىندە 98 ءۇي تولىعىمەن ورتەندى. قازىر باستى مىندەت - ءورتتى تولىعىمەن اۋىزدىقتاۋ. ء ىرى كاسىپورىندار مەن شاعىن بيزنەس شەت قالمايدى جانە زارداپ شەككەندەرگە بارلىق جاعىنان كومەكتەسەدى. جاقىن كۇندەرى جۇرتشىلىق بارلىق ازاماتتار قولداۋ كورسەتە الاتىن قور اشۋدى جوسپارلاپ وتىر», دەپ تولىقتىردى اكىمدىكتىڭ ءباسپاسوز قىزمەتى.
