پاكىستاندا ماۋسىم ايىنىڭ ورتاسىنان بەرى جالعاسىپ كەلە جاتقان سۋ تاسقىنىنان كەمىندە 1208 ادام قازا تاۋىپ, 6082 ادام زارداپ شەكتى. بۇل تۋرالى بەيسەنبى كۇنى كەشكە جاريالانعان توتەنشە جاعدايلاردى باسقارۋ ۇلتتىق باسقارماسىنىڭ (NDMA) بايانداماسىندا ايتىلعان.
پاكىستاننىڭ دەنساۋلىق ساقتاۋ قىزمەتى ەڭ كوپ زارداپ شەككەن ايماقتاردا ءتۇرلى اۋرۋدىڭ ءورشىپ, ونىڭ ىشىندە تەرى جانە ىشەك ينفەكتسيالارى تاراي باستاعانىن ەسكەرتەدى.
جالپى العاندا, وسى جازدا پاكىستاندا بولعان سۋ تاسقىنى 33 ميلليون ادامعا زاردابىن تيگىزدى جانە 1 ميلليونعا جۋىق ءۇيدى قيراتىپ, زاقىمدادى. باستاپقى ەسەپ بويىنشا شىعىن 10 ميلليارد دوللارعا جەتكەن.
