دينارا اۋەلبەكوۆا نازارباەۆ ۋنيۆەرسيتەتىنىڭ ەكونوميكا بويىنشا باكالاۆرياتىن بىتىرگەن جانە جەنەۆا بيزنەس مەكتەبىنىڭ حالىقارالىق مەنەدجمەنت سالاسىنداعى ىسكەرلىك اكىمشىلەندىرۋ ماگيسترى دارەجەسى بار. 2021 جىلى «Girls Power Fund» قورىن قۇردى. وسى ۋاقىت ىشىندە 700-دەن استام جوعارى سىنىپ وقۋشىلارى مەن جاس ايەلدەر كودتاۋ, ۆەب-ازىرلەۋ جانە جوبالاردى ازىرلەۋ بويىنشا پراكتيكالىق تاجىريبە الدى.
جوبالار نەگىزىندە وقىتۋ ءادىسناماسىن پايدالانا وتىرىپ, دينارا ۇيىمى عىلىم, تەحنولوگيا, ينجەنەريا جانە ماتەماتيكا (STEM) سالاسىندا تەحنيكالىق جانە كوشباسشىلىق داعدىلاردى دامىتۋعا باعىتتالعان 20 مامانداندىرىلعان باعدارلاما وتكىزدى. وقۋ جوسپارىن ازىرلەۋ كەزىندە باعدارلاماعا قاتىسۋشىلاردىڭ مۇددەلەرى, ۇمتىلىستارى مەن قاجەتتىلىكتەرى ەسكەرىلدى.
«Girls Power Fund» فوندى كوپتەگەن جاس ايەلدەر قاشىقتىقتان وقىتۋدى بالا كۇتىمى مىندەتتەرىمەن بىرگە الىپ جۇرۋگە ءماجبۇر بولعان COVID-19 پاندەمياسى كەزىندە, تەگىن رەپەتيتورلىق باعدارلامانى ىسكە قوستى.
دينارا سونداي-اق «ەۋرازيا» قورىمەن, قازاقستانداعى بۇۇدب جانە گەرمانيانىڭ سىرتقى مادەني بايلانىستار ينستيتۋتىمەن بىرلەسىپ جوبالاردى باسقارۋ بويىنشا حالىقارالىق كەڭەسشى رەتىندە جۇمىس ىستەيدى.
«وباما قورىنىڭ ستيپەندياتتارى» باعدارلاماسى (The Obama Foundation Scholars program) ءوز قىزمەتىندە بەلگىلى ءبىر ناتيجەلەرگە قول جەتكىزگەن بولاشاق كوشباسشىلارعا اكادەميالىق جانە پراكتيكالىق وقىتۋدى بىرىكتىرەتىن تەرەڭدەتىلگەن وقۋ باعدارلاماسىنىڭ ارقاسىندا جاڭا دەڭگەيگە شىعۋعا, پروبلەمالاردى شەشۋدىڭ جاڭا قۇرالدارىنا قول جەتكىزۋگە جانە الەۋمەتتىك شەڭبەردى كەڭەيتۋگە مۇمكىندىك بەرەدى.
