قۇجات مازمۇنىندا وقۋ جۇكتەمەسىنىڭ ەڭ جوعارى كولەمىنە, ءبىلىم الۋشىلاردىڭ دايىندىق دەڭگەيىنە جانە وقۋ مەرزىمىنە قويىلاتىن تالاپتار ايقىندالادى.
نەگىزگى ورتا ءبىلىم بەرۋ دەڭگەيىندە ءبىلىم الۋشىلاردىڭ اپتالىق وقۋ جۇكتەمەسىنىڭ ەڭ جوعارى كولەمى: 5-ءشى سىنىپتا - 30 ساعاتتان, 6-شى سىنىپتا - 30 ساعاتتان, 7-ءشى سىنىپتا - 33 ساعاتتان, 8-ءشى سىنىپتا - 34 ساعاتتان, 9-شى سىنىپتا - 35 ساعاتتان اسپايتىنى بەلگىلەنەدى.
سونىمەن قاتار, ورتا ءبىلىمنىڭ قول جەتىمدىلىگىندەگى تەڭسىزدىكتى ازايتۋ اياسىندا اۋىل وقۋشىلارىنىڭ ءبىلىم ساپاسىن ارتتىرۋ جۇكتەمەسى ازايادى, ول ءۇشىن سىنىپتى اۋىل وقۋشىلارىنىڭ توپتارىنا ءبولۋ ەنگىزىلەدى.
قالالىق وقۋشىلار ءۇشىن دە توپتارعا ءبولۋ قاراستىرىلعان.
ماسەلەن, باستاۋىش ءبىلىم بەرۋدىڭ مەملەكەتتىك جالپىعا مىندەتتى ستاندارتى قالالىق جالپى ءبىلىم بەرۋ ۇيىمدارىندا سىنىپتاردى 24 جانە ودان دا كوپ ادامعا, اۋىلدىق جەرلەردە 20 جانە ودان دا كوپ وقۋشىعا تولتىرعان كەزدە سىنىپتاردى ەكى توپقا ءبولۋدى كوزدەيدى:
بۇل رەتتە سىنىپتى ەكى توپقا بولۋگە قالالىق جالپى ءبىلىم بەرەتىن ءبىلىم بەرۋ ۇيىمدارىندا سىنىپتاردى 24 جانە ودان دا كوپ ءبىلىم الۋشىلار, اۋىلدىق جەرلەردە – 20 جانە ودان دا كوپ ءبىلىم الۋشىلار ورىس تىلىندە وقىتپايتىن سىنىپتاردا ورىس ءتىلى بويىنشا تولتىرعان كەزدە جول بەرىلەدى.
سونداي-اق قۇجاتتا شەكتەۋ ءىس-شارالارى, كارانتين ەنگىزۋ, الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار كەزىندە سىنىپتى توپتارعا ءبولۋ ءبىر سىنىپتا 15 ءبىلىم الۋشىنى تولتىرا وتىرىپ, بارلىق وقۋ پاندەرى بويىنشا جۇرگىزىلەتىنى كورسەتىلەدى.
نەگىزگى ورتا ءبىلىم بەرۋ مەن جالپى ورتا ءبىلىم بەرۋ ءۇشىن دە وسىنداي جالپىعا مىندەتتى ستاندارتتار ەنگىزىلەدى.
ءبىلىم مينيسترلىگىنىڭ مالىمەتىنشە, رەسپۋبليكادا 6942 كۇندىزگى مەملەكەتتىك مەكتەپ جۇمىس ىستەيدى, ونىڭ 5159-ى (74%) اۋىلدىق جەرلەردە ورنالاسقان.
قۇجات 14 قىركۇيەككە دەيىن اشىق نقا سايتىندا ورنالاستىرىلعان.
