ەندىگى جەردە بۇل باعىتتاعى زاڭداردىڭ قابىلدانىپ, جۇيەلى جۇزەگە اسۋى ماڭىزدى. جىل سوڭىنا دەيىن كونستيتۋتسيالىق زاڭدار, وزگە دە زاڭ تارماقتارى تولىعىمەن قابىلدانىپ, جاڭا كوزقاراسپەن جاڭا بەلەستەردى باعىندىرۋعا ۇمتىلۋىمىز كەرەك.
سايلاۋ جۇيەسىن جاڭعىرتۋدىڭ بۇگىنگە ماڭىزى زور. جاسىراتىنى جوق, حالىق سايلاۋعا سەلقوس قارايدى. ءار داۋىستىڭ ماڭىزدى ەكەنىنە سەنبەيدى. بۇدان بىلاي ماجوريتارلىق جۇيە بويىنشا ءاربىر ايماق پارلامەنتتىڭ تومەنگى پالاتاسىنا ءوزىنىڭ كەمىندە ءبىر دەپۋتاتىن سايلاي الادى. جاڭا ۇلگى كوزقاراسى ءارتۇرلى ازاماتتاردىڭ ماجىلىسكە كەلۋىنە مۇمكىندىك بەرەدى. ءماجىلىستىڭ دەپۋتاتتىق كورپۋسىنىڭ 70 پايىزى – پروپورتسيونالدى (پارتيا اتىنان), 30 پايىزى ماجوريتارلىق نەگىزدە جاساقتالادى. دەمەك ۇمىتكەردىڭ قانداي دا ءبىر پارتيادا بولۋى ماڭىزدى ەمەس. تىكەلەي سايلانادى. وبلىستار مەن رەسپۋبليكالىق ماڭىزى بار قالالار ءماسليحاتتارىنىڭ سايلاۋىنا دا ارالاس ۇلگى ەنگىزىلدى. اۋداندار مەن قالالارداعى سايلاۋ تولىعىمەن ماجوريتارلىق جۇيەگە كوشتى. ياعني ءار دەپۋتات تىكەلەي سايلانادى. بۇل باسەكەلى ساياسي ورتا قالىپتاستىرۋ ءۇشىن ماڭىزدى. ەندىگى جەردە ەل الدىندا بەدەلى بار جاڭا تۇلعالاردىڭ ساياساتقا كەلۋىنە جول اشىلادى.
تاعى ءبىر ماڭىزدى ماسەلە – سوت جۇيەسىنىڭ جاڭعىرتىلۋى. سوت جۇيەسىندەگى جۇرگىزىلىپ جاتقان رەفورمالار اتالعان سالاعا جاڭادان بىلىكتى مامانداردى جۇمىلدىرۋعا, ءادىل سوت تورەلىگىن ورنىقتىرۋعا ءتيىس. مۇنداي ءىس-شارالار مەن
باستامالار, ەڭ الدىمەن, قوعامنىڭ سوتتارعا دەگەن سەنىمىن نىعايتۋ ءۇشىن جاسالىپ وتىر. ەندى جاڭا نورمالاردىڭ ناقتى جۇزەگە اسىرىلۋىن قامتاماسىز ەتىپ, سوت قىزمەتىندەگى بيۋروكراتيانى تۇبەگەيلى جويۋ قاجەت.
سوتتار قىلمىستىق پروتسەستى جۇرگىزۋ بارىسىندا تەرگەۋ ورگاندارىنا جالتاقتاماۋى كەرەك. سۋديالار تاباندىلىق تانىتسا, تەرگەۋ امالدارى ساپالى جۇرگىزىلەتىنى انىق. قىلمىستىق قۋدالاۋعا تۇسكەن ازاماتتاردىڭ قۇقىقتارى دا لايىقتى قورعالارى ءسوزسىز.
سەرىك اقىلباەۆ,
ۇلتتىق قۇرىلتاي مۇشەسى
