سۋرەتتى تۇسىرگەن ەرلان ومار, «ەQ»
ەكونوميكادا ازاماتتاردىڭ ءوز ءىسىن اشۋعا ارنالعان جەكە باستامالارىن ىنتالاندىرۋعا كوڭىل بولىنبەك. سونىمەن قاتار سالىق رەجىمىن جەڭىلدەتۋ, مونوپوليستەر قىزمەتىنىڭ ءتاريفىن تومەندەتۋ, اۋىل شارۋاشىلىعىنداعى سۋبسيديالاۋدى ءتيىمدى ەتۋ سىندى ساياسات جالعاسادى. ءاربىر قازاقستاندىق ءۇشىن مەملەكەتكە جانە ونىڭ تابىسىنا قاتىستىلىقتى سەزىنۋ وتە ماڭىزدى. ال پرەزيدەنتتىڭ بۇعان جاۋابى دايىن: مەملەكەتتىك اكتيۆتەرگە حالىقتىق IPO ەنگىزۋ, «ۇلتتىق قور – بالالارعا» باعدارلاماسىن جۇزەگە اسىرۋ, جاستاردىڭ جۇمىسقا تۇرۋىنا كومەكتەسۋ, 2,5% ۇستەمەمەن نەسيە بەرۋ, «الەۋمەتتىك ءاميان» كارتاسى تۇرىندە اتاۋلى الەۋمەتتىك كومەكتىڭ اشىق جۇيەسىن كىرگىزۋ, سىبايلاس جەمقورلىققا قاتىسى بار شەنەۋنىكتەردىڭ زاڭسىز جولمەن تاپقان تابىسىنان مەملەكەتتىك بيۋدجەتكە تۇسكەن قارجىسى ەسەبىنەن زاماناۋي مەكتەپتەر سالۋ.
قاسىم-جومارت توقاەۆتىڭ جولداۋىندا ايتىلعان الدا بولاتىن ساياسي, الەۋمەتتىك, ەكونوميكالىق جانە قۇقىقتىق سالالارداعى رەفورمالار ازاماتتىق قوعامنىڭ وكىلدەرىنە وسى وزگەرىستەردىڭ جۇزەگە اسۋىن ۇيىمداستىرۋعا, قوعامدىق باقىلاۋ جاساۋعا, سونداي-اق اقپاراتتىق-ناسيحات جۇمىستارىن جۇرگىزۋگە مۇمكىندىك بەرەتىن حالىقتىق جوبا دەپ نىق سەنىممەن ايتۋعا بولادى. وسى ورايدا, ءبىز – قوعامنىڭ بەلسەندى بولىگىنىڭ وكىلدەرى كۇردەلى جانە ماڭىزدى جۇمىستا مەملەكەتتىڭ ارىپتەسى بولا ءبىلۋىمىز كەرەك.
گۇلنار قۇربانباەۆا,
قاراعاندى وبلىستىق كاسىپكەرلەر قاۋىمداستىعىنىڭ پرەزيدەنتى,
وبلىستىق قوعامدىق كەڭەس مۇشەسى
قاراعاندى
