مادەني جيىن بارىسىندا جەتىسۋ وبلىسىنىڭ اكىمى بەيبىت يساباەۆ اقىننىڭ شىعارماشىلىعىنا قاتىستى جاڭالىقتارمەن ءبولىستى.
«جەتىسۋداعى ەشكىولمەس تاۋىنىڭ باۋرايىندا دۇنيەگە كەلىپ, ءدۇيىم حالىقتىڭ پاراساتتى پەرزەنتىنە اينالعان ونەر يەسىنىڭ رۋحاني مۇراسى – بارشاعا ورتاق قازىنا. اقىننىڭ ليريكالىق پوەزياسى, وتانشىلدىق رۋحتاعى جىرلارى, كوركەم اۋدارماداعى شەبەرلىگى, جىراۋ جامبىل جاباەۆتىڭ شىعارماشىلىعىنداعى ءرولى, جۋرناليستىك جولى – جالپى قازاق رۋحانياتىنا قوسقان ۇلەسىنىڭ قاي-قايسىسى دا جەكە-دارا ءبولىپ ايتۋعا لايىق ەرەسەن ەڭبەك.
بيىلعى مەرەيلى جىل اياسىندا وبلىس اكىمدىگى عالي ورمانوۆتىڭ لەۆ تولستويدان اۋدارعان «اننا كارەنينا» رومانىنىڭ 2 تومدىعىن باسىپ شىعارۋعا قولداۋ كورسەتىپ وتىر. بۇل قازاق ادەبيەتىنە, اقىننىڭ شىعارماشىلىق جولىن ناسيحاتتاۋعا قوسقان ازعانتاي ۇلەس بولماق. بۇگىنگى كەش وسى عيبراتتى باستامالاردىڭ جالعاسى دەپ بىلەمىن», دەپ اتاپ ءوتتى وبلىس اكىمى.
ايتا كەتەيىك, رۋحاني ءىس-شارا عالي ورمانوۆتىڭ شىعارماشىلىعىمەن كەڭىنەن تانىسۋ جانە عيبراتتى عۇمىرىنان ونەگە الۋ ماقساتىندا ۇيىمداستىرىلدى. ادەبي كەشكە ەلوردالىق زيالى قاۋىم مەن وقىرماندار قاتىستى.
