جوعارى وقۋ ورىندارى باسشىلارى ۋنيۆەرسيتەتتەردىڭ قىزمەتىن تەكسەرۋ, جەكەمەنشىك جوو اراسىندا كادر دايارلاۋعا مەملەكەتتىك تاپسىرىستى تەڭ ءبولۋ ماسەلەلەرىن كوتەردى. بۇدان بولەك رەكتورلار جوعارى وقۋ ورىندارىنىڭ قىزمەتىن رەتتەيتىن نورماتيۆتىك-قۇقىقتىق اكتىلەردى جەتىلدىرۋ جونىندە ۇسىنىستار ايتتى.
«ۋنيۆەرسيتەت بازاسىندا, اسىرەسە وڭىرلىك جوعارى وقۋ ورىندارى بازاسىندا بيزنەس-ينكۋباتورلار مەن تەحنوپاركتەردى دامىتۋ جونىندەگى نورمانى زاڭنامالىق تۇرعىدان بەكىتۋ قاجەت. ءبىز اكادەميالىق ارتىقشىلىق ورتالىقتارىن قۇرۋ جونىندەگى جوبا شەڭبەرىندە وڭىرلىك ۋنيۆەرسيتەتتەردىڭ يننوۆاتسيالىق ينفراقۇرىلىمىن دامىتۋ مۇمكىندىكتەرىن قاراستىرامىز. زەرتتەۋ جۇرگىزۋ ءۇشىن عىلىمي زەرتحانالاردى قۇرۋدىڭ ۋاقىتى كەلدى. مەملەكەت باسشىسىنىڭ تاپسىرماسى بويىنشا جىل سايىن 500 عالىم شەتەلدىك عىلىمي تاعىلىمدامالارعا جىبەرىلەدى. ناقتى ناتيجەلەر مەن زەرتتەۋلەر جۇرگىزۋ ءۇشىن عالىمدارعا جاعدايلار جاسالۋدا», دەپ اتاپ ءوتتى عىلىم جانە جوعارى ءبىلىم ءمينيسترى ساياسات نۇربەك.
سونداي-اق مينيستر وڭىرلىك جوعارى وقۋ ورىندارىن دامىتۋعا, تسيفرلاندىرۋدى كۇشەيتۋگە جانە جوو وقىتۋشىلارى مەن توپ-مەنەدجمەنتىنىڭ بىلىكتىلىگىن ارتتىرۋعا باسا نازار اۋداردى.
