Ranking مالىمەتى بويىنشا بۇعاتتاۋدىڭ ەڭ كوپ تارالعان سەبەبى – قاتىگەزدىك پەن زورلىق-زومبىلىق, سۋيتسيد جانە پورنوگرافيا كۋلتىن ناسيحاتتاۋ. بۇل – بۇكىل بۇعاتتاۋدىڭ 42 پايىزى. ەكىنشى ورىندى 33 پايىزبەن تەرروريزم جانە ءدىني ەكسترەميزم يدەياسىن ناسيحاتتاۋ تۇر. سونىمەن قاتار ءبىزدىڭ ەلىمىز Google-دە جاريالانعان كونتەنتتى ءوشىرىپ تاستاۋعا ءوتىنىش بەرۋ بويىنشا يندونەزيا مەن رەسەيدەن كەيىنگى ءۇشىنشى ورىندا ەكەن.
2011 جىلدان بەرى Google كونتەنتتى وشىرۋگە بەرىلگەن وتىنىشتەردى تىركەپ, بۇل تۋرالى اقپاراتتاردى حابارلاي باستاعان. قازاقستان حالىقارالىق كومپانياعا 532 رەت ءوتىنىش بىلدىرگەن. بۇل وتىنىمدەردە ەل بيلىگى كومپانيانىڭ ءتۇرلى سەرۆيسى, سونىڭ ىشىندە YouTube پەن ۆەب-ىزدەۋ جۇيەسىندەگى 260 مىڭنان استام كونتەنتتى ءوشىرىپ تاستاۋدى سۇراعان.
ال Google ءوز ءتارتىبى بويىنشا ماتەريالدى وشىرۋدەن ءتۇرلى سەبەپتەر نەگىزىندە باس تارتۋى مۇمكىن: «كەيبىر وتىنىمدەردە ناقتى نەنى ءوشىرۋ تۋرالى اقپارات بولمايدى. باسقا جاعدايلاردا اۆتوردىڭ ءوز بەتىنشە كونتەنتتى وشىرگەنى بەلگىلى بولادى».
سونىمەن قاتار بارلىق كەلىپ تۇسەتىن سوت شەشىمى ناقتى ارەكەتتەردى تالاپ ەتپەيدى. كومپانيا ستاستيكاسىنا سايكەس, Google بيلىك وتىنىمدەرىن سيرەك ورىندايدى. 2021 جىلدىڭ ەكىنشى جارتىسىندا كومپانيا قازاقستان بيلىگى ءوتىنىشىنىڭ 94,9 پايىزىن ورىنداۋدان باس تارتقان.
قازاقستاننىڭ مازمۇندى الىپ تاستاۋ تۋرالى سۇراۋ سالۋلارىنىڭ ەكىنشى ەڭ كوپ تاراعان سەبەبى – ۇكىمەتتى سىناۋ بولدى (سوڭعى 10 جىلدا 21 پايىز). سوڭعى ەكى جىل بۇل پارامەتر بويىنشا رەكوردتى بولدى: 2020 جىلى ەل ۇكىمەتىن سىناۋعا بايلانىستى قازاقستان Google-گە 44 رەت, 2021 جىلى 47 رەت ءوتىنىم جىبەرگەن.
