جاڭا ديلەرلىك ورتالىق بازاسىندا 30 جۇمىس ورنى اشىلدى. ورتالىقتىڭ جالپى اۋدانى - 1200 شارشى مەتر, ونىڭ ىشىندە ءبىر ۋاقىتتا 11 اۆتوكولىك ورنالاساتىن شوۋ-رۋمنىڭ اۋدانى - 700 شارشى مەتردى قۇرايدى. سونداي-اق 1000 ش.م. الاڭدا اۆتوكولىكتەرگە قىزمەت كورسەتۋ بويىنشا تولىق قىزمەت كەشەنى بار 15 بەكەتكە ەسەپتەلگەن سەرۆيستىك تسەح ورنالاسقان. سەرۆيستىك تسەح يننوۆاتسيالىق جابدىقتارمەن, بىلىكتى ماماندارمەن قامتاماسىز ەتىلگەن.
سەرۆيس-ورتالىقتا تەحنيكالىق قىزمەت كورسەتۋدى, دياگنوستيكانى جانە قوزعالتقىشتاردى, ەلەكتريكا مەن جۇرىستىك بولىگىن جوندەۋ بويىنشا جۇمىستاردىڭ بارلىق تۇرلەرىن جۇزەگە اسىرۋعا بولادى. اتالعان جۇمىستاردىڭ بارلىعى ءوندىرۋشىنىڭ ستاندارتتارى مەن تەحنولوگيالىق كارتالارىنا تولىق سايكەستىكتە ورىندالادى.
قازاقستانداعى EXEED ديستريبۋتسياسىنىڭ ديرەكتورى بوريس ءساسيننىڭ ايتۋىنشا, EXEED ماركاسىن دامىتۋ مەن ىلگەرىلەتۋدىڭ باسىم ورتالىقتارىنىڭ ءبىرى رەتىندە شىمكەنت قالاسى كەزدەيسوق تاڭدالعان جوق.
«بۇل قازاقستانداعى حالىق سانى بويىنشا ءۇشىنشى جانە الىپ جاتقان اۋماعى بويىنشا ءبىرىنشى قالا, ەلدىڭ ءىرى ونەركاسىپتىك, ساۋدا جانە مادەني ورتالىقتارىنىڭ ءبىرى. ول قازاقستان اۋماعىندا حالىق سانى بويىنشا ەكىنشى اگلومەراتسيانى قۇرايدى. قازاقستاننىڭ اگلومەراتسيالاردى دامىتۋ ستراتەگياسىن ىسكە اسىرا باستاعانىن جاقسى بىلەمىز. ەگەر بۇرىن بىزدە ميلليون حالقى بار ءبىر عانا قالا — الماتى بولسا, ەندى نۇر-سۇلتان مەن شىمكەنت, ياعني ميلليوندى ءۇش قالا بار. سوندىقتان وسى قالا مەن ايماققا ۇلكەن ءۇمىت ارتامىز جانە ءدال وسى جەردە ساتۋ ورتالىعىنىڭ اشىلعانىنا قۋانىشتىمىز. ءبىز جوعارى ساتىلىمدارعا جانە جايلىلىق, يننوۆاتسيالىق تەحنولوگيالار مەن ەرەكشە سەنىمدىلىك ارقاسىندا ماركا شىمكەنتتىكتەرگە ۇنايتىنىنا سەنەمىز», دەدى ب.ساسين.
ايتا كەتسەك, جىل سوڭىنا دەيىن شىمكەنتتە كەم دەگەندە 132 ماركالى اۆتوموبيل ساتىلادى دەپ جوسپارلانۋدا. قازاقستان بويىنشا ساتىلىم باستالعالى بەرى بارلىعى 418 EXEED اۆتوكولىگى ساتىلدى, ال جىل سوڭىنا دەيىن كەمىندە 1000 كولىكتى ساتۋ جوسپارلانىپ وتىر.
EXEED رەسمي ديلەرلىك ورتالىقتارى الماتى, نۇر-سۇلتان, قوستاناي, اقتوبە جانە شىمكەنت قالالارىندا جۇمىس ىستەيدى. ديستريبيۋتوردىڭ حابارلاۋىنشا, قىركۇيەك ايىندا اتىراۋ مەن قاراعاندىدا جاڭا ورتالىقتار اشىلادى. ال جىل سوڭىنا دەيىن برەند ورال, اقتاۋ, پاۆلودار جانە وسكەمەندە پايدا بولادى. بۇدان ءارى ديلەرلىك جەلىنى كەلەسى جىلى 14 اۆتوورتالىققا دەيىن جانە 2024 جىلى 19-عا دەيىن كەڭەيتۋ جوسپارلانۋدا.
