سۋرەتتى تۇسىرگەن يۋري بەككەر
مادەنيەت جانە سپورت مينيسترلىگى, الماتى قالاسىنىڭ اكىمدىگى, قازاقستان ارداگەرلەرى قاۋىمداستىعى جانە Amanat پارتياسىنىڭ مۇرىندىق بولۋىمەن ۇيىمداستىرىلعان ءداستۇرلى دوداعا نۇر-سۇلتان, الماتى, شىمكەنت قالالارى, الماتى, جەتىسۋ, تۇركىستان, جامبىل, قىزىلوردا, اقتوبە, قوستاناي, اتىراۋ جانە ماڭعىستاۋ وبلىستارىنان كەلگەن سپورتشىلار قاتىستى. ولاردىڭ اراسىندا حالىقارالىق جانە رەسپۋبليكالىق جارىستاردا جۇلدە الىپ جۇرگەن سپورتشىلار دا بولدى.
اتالعان ءىس-شارانىڭ اشىلۋ سالتاناتىنا پارلامەنت ءماجىلىسىنىڭ دەپۋتاتى, Unifight امبەباپ جەكپە-جەك فەدەراتسياسىنىڭ پرەزيدەنتى باقىتبەك سماعۇل, سول ۇيىمنىڭ ۆيتسە-پرەزيدەنتى ولجاس اكىموۆ, Amanat پارتياسى الماتى قالالىق فيليالى توراعاسىنىڭ ورىنباسارى قايرات بيسەمباەۆ, الماتى قالالىق سپورت باسقارماسى باسشىسىنىڭ ورىنباسارى بەكجان ونجان, اوسك-نىڭ باسشىسى, وليمپيادا چەمپيونى ولگا شيشيگينا جانە تاعى باسقا ازاماتتار مەن سپورت ارداگەرلەرى قاتىستى.
– «كوك تۇرىك تارلاندارى» دەگەن اتاۋعا يە بولعان جارىستىڭ ءمانى دە, ماڭىزى دا زور. ونىڭ نەگىزگى ماقساتى – قازاقستان رەسپۋبليكاسى قارۋلى كۇشتەرىنىڭ قاتارىندا ءوزىنىڭ جاۋىنگەرلىك ۇرانىن ايتا الاتىن, تاۋەلسىزدىكتىڭ تۇراعى بولۋعا جارايتىن جالىندى ءارى ايبىندى جاستاردى وتانسۇيگىشتىك رۋحتا تاربيەلەۋ. وسى ءپرينتسيپتى باسشىلىققا الا وتىرىپ, جىل سايىن وسىنداي كەرەمەت ءىس-شارا ۇيىمداستىرىپ كەلەمىز. بۇل جارىسقا قارۋلى كۇشتەردەن بولەك, ۇلتتىق قاۋىپسىزدىك كوميتەتى, مەملەكەكەتتىك كۇزەت قىزمەتى, ىشكى ىستەر مينيسترلىگىنىڭ ساردارلار مەن ساربازدارى دا قاتىسۋدا. سەبەبى پىشاق لاقتىرۋ, كەدەرگىلەردەن ءوتۋ, نىسانا كوزدەۋ جانە جەكپە-جەككە شىعۋ اسكەري ساناتقا جاقىن سپورت تۇرلەرى ەكەنى بەلگىلى. ولاي بولسا, ءبىز رۋحى مىقتى, ورەسى بيىك, قانداي قيىندىق بولسا دا جىگەرى جاسىمايتىن, ساعى سىنبايتىن سايىپقىرانداردى تاربيەلەۋىمىز كەرەك. ءبىر سوزبەن ايتساق, قازاقستاننىڭ قارۋلى كۇشتەرى ءالسىز بولماۋعا ءتيىس, – دەدى پارلامەنت ءماجىلىسىنىڭ دەپۋتاتى, اۋعان سوعىسىنىڭ ارداگەرى, Unifight امبەباپ جەكپە-جەك فەدەراتسياسىنىڭ پرەزيدەنتى باقىتبەك سماعۇل.
الماتى
