قاقتىعىس ليۆيا ۇلتتىق بىرلىك ۇكىمەتىنىڭ باسشىسى ابدەل حاميد بەيبىت پەن پارلامەنت سايلاعان ليۆيا پرەمەر-ءمينيسترى فاتحي باشاگا كۇشتەرى اراسىندا بولىپ جاتىر.
سەنبى كۇنى قارۋلى قاقتىعىس بولعان اۋدانداردان ادامدار ەۆاكۋاتسيالاندى. جەدەل قىزمەت بىرنەشە اۋرۋحانانىڭ زارداپ شەككەنىن حابارلادى.
بۇۇ-نىڭ ليۆياداعى ميسسياسى تۇرعىن اۋداندارعا وق اتىلعانىن تىركەپ, اتىستى دەرەۋ توقتاتۋعا شاقىردى.
كەم دەگەندە 23 ادام مەرت بولىپ, ونداعانى جاراقات الدى. قازا تاپقاندار اراسىندا – 17 بەيبىت تۇرعىن بار, دەپ حابارلادى رەيتەر اگەنتتىگى.
بۇل سوڭعى ەكى جىلداعى ەڭ قاتىگەز شايقاس. ول كەزدە بىرنەشە ايعا سوزىلعان ساياسي تەكەتىرەس قالا اۋقىمىنداعى شايقاسقا ۇلاسىپ كەتكەن ەدى. قازىرگى جاعداي دا ءورشىپ كەتۋى مۇمكىن, دەپ جازدى رەيتەر.
ليۆيادا 2011 جىلى كوتەرىلىس بولىپ, ناتو ەلدەرىنىڭ قولداۋىمەن مۋاممار كاددافي قۇلاتىلعاننان كەيىن حاوس ورنادى. سوڭعى ەكى جىلدا ايتارلىقتاي تىنىشتىق ساقتالعان بولاتىن.
