«جىل سايىن مەديتسينالىق كومەك ساپاسىنا قاتىستى 5,6 مىڭنان اسا ارىز تىركەلەدى. بيىل ءبىرىنشى جارتىجىلدىقتا وسىنداي 2,8 مىڭ ارىز-شاعىم كەلىپ تۇسكەن. بۇل رەتتە 30%-دان اسا جاعدايدا فاكتىلەر ناقتىلانادى. وكىنىشكە قاراي, جاعداي جاقسى جاعىنا وزگەرىپ جاتقان جوق. بىرقاتار وڭىردە مەديتسينا قىزمەتكەرلەرىنىڭ ءوز قىزمەتتىك مىندەتتەرىن ورىنداۋعا سالعىرت قاراۋى جانە مەديتسينالىق ۇيىمداردىڭ مەنەدجەمەنتى ناشار ۇيىمداستىرىلعانى بايقالادى», دەدى ا.عينيات.
مينيستر مەديتسينالىق كومەك كورسەتۋ ەرەجەلەرى مەن ستاندارتتارىن بۇزۋ جاپپاي سيپات الىپ بارا جاتقانىنا نازار اۋداردى. بيىل 6 ايدا وسى تەكتەس 500-دەن اسا جاعداي تىركەلگەن. سونداي-اق مەديتسينالىق جانە فارماتسەۆتيكالىق باقىلاۋ كوميتەتى كوبىنەسە جاعىمسىز جايتتارعا اكەلىپ سوعاتىن كلينيكالىق حاتتامالاردان نەگىزسىز اۋىتقۋعا قاتىستى 1 600-دەن اسا فاكتىنى انىقتادى.
«انا ءولىمى جاعدايلارىن تەكسەرۋ دە ستاندارتتاردىڭ ساقتالمايتىنىن كورسەتەدى, سەبەبى انالار ءولىمىنىڭ قۇرىلىمىن سارالاساق, 73% – بۇل باسقارىلاتىن, ياعني ارەكەت-امال جاساۋعا بولاتىن سەبەپتەر, 27% ءولىم جاعدايى عانا اۋىر سوماتيكالىق اۋرۋلاردىڭ سالدارىنان بولعان», دەدى ا.عينيات.
مينيستر انا ءولىمى بويىنشا احۋال ءماز ەمەس وڭىرلەردىڭ رەيتينگىندە قاراعاندى, پاۆلودار, باتىس قازاقستان, قىزىلوردا, شىعىس قازاقستان وبلىستارى مەن الماتى قالاسىن اتادى. ول اكۋشەرلىك, گينەكولوگيا جانە پەريناتولوگيا عىلىمي ورتالىعىندا بيىل 3 رەت انا ولىمىنە جول بەرىلگەنىن «سوراقى جاعداي» دەپ اتادى. ساراپشىلار بارلىق جاعدايدا دا دياگنوستيكا كەش جاسالعانىن, قاۋىپ-قاتەر مەن ەمدەۋ تاكتيكاسى دۇرىس باعالانباعانىن نۇسقادى. سالدارىنان ءومىرى ءۇشىن ماڭىزدى اعزا مۇشەلەرى قايتىمسىز وزگەرىسكە ۇشىراپ, سوڭى ولىممەن اياقتالعانىن ايتتى مينيستر. اكۋشەرلىك, گينەكولوگيا جانە پەريناتولوگيا عىلىمي ورتالىعىنىڭ باسشىسى قىزمەتىنەن بوساتىلدى.
امبۋلاتوريا مەن ستاتسيونار دەڭگەيىندە ناۋقاستىڭ جاي-كۇيىن جەتە باعالاماۋ, مەديتسينالىق ۇيىمدار اراسىنداعى ساباقتاستىقتىڭ جوقتىعى سالدارىنان ءولىم جاعدايىنا الىپ كەلگەن وسىنداي شۋلى جايتتار جامبىل, قىزىلوردا, تۇركىستان وبلىستارىندا دا ورىن العانىن مىسالعا كەلتىردى.
«مۇنداي سوراقى جايتتار بۇكىل وڭىردەگى جۇمىستى جوققا شىعارادى ءارى دەنساۋلىق ساقتاۋ سالاسىنا نۇقسان كەلتىرەدى», دەپ ەسكەرتتى ۆەدومستۆو باسشىسى ارىپتەستەرىنە.
ماسەلەن, مينيستر اتاپ وتكەندەي, كوميتەتكە كەلىپ تۇسكەن ورىندى شاعىمدار بويىنشا ايماقتاردى سارالاۋ ناتيجەسىندە دەنساۋلىق ساقتاۋ سالاسىنداعى احۋال ءماز ەمەس 6 ءوڭىر انىقتالدى. ولار كەلىپ تۇسكەن شاعىمداردىڭ 59%-ى ناقتىلانعان پاۆلودار وبلىسى (№1 قالالىق اۋرۋحانا, ەكىباستۇز قالالىق اۋرۋحاناسى, پاۆلودار قالاسىنداعى №3 ەمحانا). ودان كەيىنگى شاعىم كوپ تۇسەتىن ايماقتار: الماتى وبلىسى (ىلە, تالعار اۋدانىنىڭ ورتالىق اۋرۋحاناسى, قاراساي اۋدانىنداعى اۋدانارالىق كوپبەيىندى اۋرۋحانا) – 56,3%, جامبىل وبلىسى (بايزاق, جامبىل اۋداندىق ورتالىق اۋرۋحاناسى, №5, №8 قالالىق ەمحانالار, شۋ قالاسىنىڭ ەمحاناسى) – 51%, قىزىلوردا وبلىسى (كوپبەيىندى قالالىق اۋرۋحانا, شيەلى جانە جاڭاقورعانداعى اۋدانارالىق اۋرۋحانا, №3 قالالىق اۋرۋحانا) – 44,4%, الماتى قالاسى (№4 قالالىق اۋرۋحانا) – 35,7%, ماڭعىستاۋ وبلىسى (بەينەۋ اۋداندىق ورتالىق اۋرۋحاناسى) – 31,3%.
