– مەنى كورگەندەردىڭ اراسىندا گيننەس رەكوردتار كىتابىنا ەنۋ ءۇشىن ارباسىن سۇيرەپ شىققان دەگەندەر دە بولدى. الايدا مەن بۇل ساپارعا ءۇش ماقساتپەن شىقتىم. قازاقستاننىڭ تاريحي-گەوگرافيالىق ورتالىعى ۇلىتاۋدى تانىتۋدى قازاقستاندىق قولونەرشىلەردى قولداۋدى جانە ەڭ باستىسى, قىمىز مەرەكەسىن ناسيحاتتاپ, ونى ءتول مەرەكەمىز رەتىندە كۇنتىزبەگە ەنگىزۋدى كوزدەدىم, – دەيدى اۋەسقوي ۇستا, رەستاۆراتور سارسەنباي اتا.
«ۇزاق ساپارعا شىعۋعا ەكىنىڭ ءبىرىنىڭ جۇرەگى داۋالامايدى, بۇل تاۋەكەلگە قالاي باردىڭىز؟» دەگەن سۇراعىمىزعا اتا: «كوز – قورقاق, قول – باتىر» دەپ تارتىپ وتىردىم, ءوزىمنىڭ قازاقستانىم, ەل باردا دالادا قالمايمىن» دەپ نىق جاۋاپ قايىردى.
ارينە, كوپتى تولعاندىرعان «ساپار ءساتتى اياقتالعان سوڭ ناتيجەسى قانداي بولماق؟ نە وزگەرەدى؟» دەگەن الەۋجەلى قولدانۋشىلارىنا سارسەنباي اتانىڭ جاۋابى جوق ەمەس.
– اتاق كەرەك دەسەم, ءبىر باسىمدا جەتەدى. ەكسپو كورمەسىندە ءارتۇرلى تۋىندىم, مەتاللۋرگياعا, جەرلەستەرىمنىڭ سپورتتاعى جەتىستىكتەرىنە ارناپ جاساعان بۇيىمىم كوپ بولدى. سول جىلى مۋزەيگە مەتاللۋرگيا سالاسى بويىنشا قولونەر تۋىندىلارىم قويىلعان بولاتىن.
ال جوعارىدا اتالعان ماقساتتارىمنىڭ نۇكتەسى ساپارىم ساتىمەن بىتكەن كەزدە قويىلماق. پرەزيدەنتىمىزگە ارنايى حات جازىپ, ەل تۇرعىندارىنىڭ قىمىز مەرەكەسىنە كوزقاراستارى وڭ ەكەنىن, اتى اتالماي تاسادا قالعان مىقتى قولونەرشىلەردىڭ ەڭبەگى ەلەنۋى كەرەگىن, مەملەكەتتىك ءتىلىمىز ۇمىت بولماي, ۇلىقتالۋىن نازارعا الۋىن سۇرايمىن, – دەدى ءسوزىنىڭ سوڭىندا س.وسپان ۇلى.
سارسەنباي قارت الىس ساپارعا 31 ناۋرىز كۇنى اتتانسا, قازان ايىنىڭ سوڭىنا دەيىن اقتاۋ قالاسىنا جەتپەك.
ساپارىڭىز وڭ بولسىن, ساياحاتشى اتا!
ايجان امانگەلدينا
باتىس قازاقستان وبلىسى,
سىرىم اۋدانى
