مەرزىمدى باسىلىمدار مەن الەۋمەتتىك جەلىلەردە جازىلعان وقيعا كەيىپكەرى ارمان امانجولوۆقا بۇگىن پەداگوگتاردىڭ تامىز كەڭەسىندە وبلىس اكىمى نۇرلىبەك نالىباەۆ دەمەۋشىلەر اتىنان پاتەر كىلتىن تابىس ەتتى.
«مەملەكەت باسشىسى تاراپىنان ازاماتتارىمىزدىڭ مۇنداي ەرەكشە باتىل قيمىلدارىن ەلەۋسىز قالدىرماي, وزگەلەرگە ۇلگى ەتۋ تۋرالى ۇستانىمى اياسىندا بۇگىن ارمان باتىرعا, ونىڭ اتا-اناسىنا بارشا سىر ەلىنىڭ اتىنان زور ريزاشىلىعىمىزدى بىلدىرەمىن. بۇگىندە ايماعىمىزدا جومارت جۇرەكتى جاناشىر ازاماتتار جەتەرلىك. سول دەمەۋشىلەردىڭ اتىنان بۇگىنگى بەيبىت كۇننىڭ باتىرى بولعان بوزبالاعا باسپانا كىلتىن تابىس ەتەمىز. قاراپايىم عانا اۋىل بالاسىنىڭ بۇل ەرلىگى ءوزى سياقتى قاتار جۇرگەن بالالارعا ۇلگى بولسىن, ەلدىڭ ىشىندە وسىنداي ازاماتتار كوپ بولسىن», دەدى وبلىس باسشىسى.
