وقيعا ورنىندا تۇسىرىلگەن ۆيدەو الەۋمەتتىك جەلىدە جاريالاندى.
VOLVO FH جۇك كولىگىنىڭ 39 جاستاعى جۇرگىزۋشىسى تاراز قالاسى جاعىنان تۇركىستان وبلىسى باعىتىندا كەلە جاتقان. ول كولىك تىزگىنىنە يە بولا الماي, جولدا تۇرعان باسقا جۇك كولىگىنە سوعىلىپتى.
جول بويىندا تۇرعان فۋرانىڭ ىشىندە تۇركىستان وبلىسىنىڭ 37 جاستاعى تۇرعىنى وتىرعان.
جول اپاتى سالدارىنان VOLVO FH جۇك كولىگى ورتەنىپ كەتتى. زارداپ شەككەندەر جوق.
«جۇك كولىگىنىڭ 39 جاستاعى جۇرگىزۋشىسى قر اقبتك-ءنىڭ 610-بابى 1-بولىگى بويىنشا اكىمشىلىك جاۋاپكەرشىلىككە تارتىلدى», دەلىنگەن جامبىل وبلىسىنىڭ پوليتسيا دەپارتامەنتى تاراتقان حابارلامادا.
پوليتسەيلەردىڭ ايتۋىنشا, جۇرگىزۋشىگە 20 ايلىق ەسەپتىك كورسەتكىش مولشەرىندە ايىپپۇل سالىنادى نەمەسە 6 ايعا دەيىن كولىك جۇرگىزۋ قۇقىعىنان ايىرىلادى.
