بۇل تۋرالى Beeline قازاقستان كومپانياسىنىڭ كورپوروتيۆتىك كومۋنيكاتسيالار ديرەكتورى الەكسەي بەندز (سۋرەتتە) حابارلادى.
قالالىق قوعامدىق كولىكتەردە ينتەرنەتكە تەگىن قوسىلۋعا مۇمكىندىك بەرەتىن كەڭ كولەمدى "Wifi bus" رەسپۋبليكالىق جوباسى باستاپقىدا "سىناقتىق رەجيم" رەتىندە پەتروپاۆل قالاسىندا باستالعان بولاتىن. جوباعا مامىر ايىنان باستاپ كوكشەتاۋ قالاسى دا قوسىلدى. بۇدان كەيىن بۇل باستاما تۇركىستان, قاراعاندى, ورال, قوستاناي, اتىراۋ جانە قازاقستاننىڭ باسقا دا قالالارىندا ىسكە قوسىلادى.
3G WiFi-روۋتەرلەردى – بارلىق نيەت بىلدىرۋشىلەر ءۇشىن بۇكىل الەمدىك جەلىگە قوسىلۋ مۇمكىندىگىن تاراتاتىن ارنايى اسپاپتاردى, قالالىق اۆتوبۋستاردا ورناتقاننىڭ ارقاسىندا كوكشەتاۋ قالاسىنىڭ تۇرعىندارى ۇشقىر ينتەرنەتكە قول جەتكىزە الاتىن بولدى. بۇگىنگى تاڭدا وسىنداي جابدىعى بار 10 اۆتوبۋس قالادا ءجۇر, الداعى ۋاقىتتا ولاردىڭ سانىن ايتارلىقتاي ارتتىرۋ كوزدەلۋدە. ينتەرنەتكە قوسىلۋ ءۇشىن Wi-Fi قولدانۋ مۇمكىندىگى بار قۇرىلعى – سمارتفون, پلانشەت نەمەسە نوۋتبۋك بولسا جەتكىلىكتى.
«Beeline قازاقستان كومپانياسىنىڭ وسىنداي قىزىقتى دا, قالا ءۇشىن قاجەتتى جوبانى ىسكە قوسقانى ءۇشىن قۋانىشتىمىز. ول تۇرعىندارعا قالا بويىنشا ءجۇرۋ بارىسىندا, جوعارى جىلدامدىقتى ينتەرنەتتى پايدالانۋعا مۇمكىندىك بەرەدى. ونىڭ قوعامدىق كولىكتەگى قىزمەت كورسەتۋدى جاقسارتا تۇسەتىنى جانە جۇرگىنشىلەردى ارتتىرا تۇسەتىنى كۇمانسىز», - دەپ «كوكشەتاۋ اۆتوبۋس پاركى» جشس-نىڭ ديرەكتورى شاريموۆا اسيا.
«WiFi Bus» جوباسى Beeline ۇسىنعان 3G جەلىسى ارقىلى تارالادى جانە كليەنتتەرگە بۇكىل قازاقستان بويىنشا ءموبيلدى ينتەرنەتتى پايدالانۋعا مۇمكىندىك بەرەدى.
دانيار الان.
