بۇرىنعى پرەزيدەنتكە قاتىستى 2016 جىلعى 29 شىلدەدەگى سوت شەشىمىمەن 2010 جىلعى 7 ساۋىردەگى وقيعالار مەن قىلمىستىڭ باسقا دا ەپيزودتارى بويىنشا 30 جىلعا باس بوستاندىعىنان ايىرۋ جازاسى تاعايىندالدى.
قاداعالاۋشى ورگان اتاپ وتكەندەي, ولار بەلارۋستىڭ باس پروكۋراتۋراسىنا 2016 جىلعى 23 مامىرداعى بىشكەك گارنيزونى اسكەري سوتىنىڭ جانە اسكەري سوتتىڭ قىلمىستىق ىستەر جانە اكىمشىلىك قۇقىق بۇزۋشىلىق تۋرالى ىستەر جونىندەگى سوت القاسىنىڭ ۇكىمدەرىن تانۋ جانە ورىنداۋ تۋرالى ءوتىنىش جولدادى. سونداي-اق باس پروكۋراتۋرا باكيەۆتى قىلمىستىق جاۋاپكەرشىلىككە تارتۋ ءۇشىن ۇستاپ بەرۋ تۋرالى ءتورت ساۋال جولدادى.
«بەلارۋس رەسپۋبليكاسى جوعارعى سوتىنىڭ حاتىنا سايكەس, ءوتىنىشتى قاناعاتتاندىرۋدان باس تارتىلدى. بەلارۋس تاراپىنىڭ پىكىرىنشە, ونىڭ سوتتالۋى ساياسي سەبەپتەر بويىنشا قۋدالاۋمەن بايلانىستى», دەپ حابارلادى باس پروكۋراتۋرادان.
