مامانداردىڭ قورىتىندىسىنا سايكەس, ۇلكەن شاباقتى كولىنە ادامداردىڭ اسەر ەتۋ بەلگىلەرى تابىلعان جوق. كولدەگى بالىقتىڭ قىرىلۋىنا كولدىڭ تۇبىنەن تابيعي گازدىڭ شىعۋى نەمەسە سۋ قويماسىنىڭ ماۋسىمدىق گۇلدەنۋى سەبەپ بولۋى مۇمكىن.
ەسكە سالا كەتسەك, 2022 جىلدىڭ 12 تامىزىندا ۇلكەن شاباقتى كولىندە بالىقتىڭ قىرىلۋ دەرەكتەرى انىقتالدى. ۇلتتىق پارك قىزمەتكەرلەرى شامامەن 250 كەلى ولگەن بالىقتى جيناپ, كادەگە جاراتتى. بۇل نەگىزىنەن اق بالىق بولدى.
«2022 جىلعى 14 تامىزدا الىنعان سىنامالاردا تۇز قۇرامى, رن مولشەرى, فتوريد, حيميالىق وتتەگى كولەمى جوعارى بولعانى انىقتالدى. بالىق ولگەن تۇستا جانە سولعا قاراي 300 مەتر اۋماقتا سۋدىڭ رن قۇرامى 9,06-9,08 بولدى. شەكتى مولشەر 6-9 دەڭگەيىندە بولۋى ءتيىس. بالىقتاردىڭ ولىگى تابىلعان جەردە حيميالىق وتتەگى كولەمى 33-38 مگو2/ل ەكەنى انىقتالدى, قالىپتى جاعدايدا ول 30 مگو2/ل شاماسىندا بولعانى شارت. بيوحيميالىق وتتەگى دە شەكتى مولشەردەن اسىپ ءتۇستى. فتوريد قۇرامى 7,31-8,52 مگ/ل, ونىڭ قالىپتى نورماسى - 1,5 مگ/ل. الايدا بۇل كورسەتكىشتەر تابيعي سيپاتقا يە, بۇل سۋقويما لاستاندى دەگەندى بىلدىرمەيدى. سۋ تۇزدىلىعىنىڭ جوعارىلاۋى دا تابيعي قۇبىلىس. امموني ازوتىنىڭ جوعارىلاۋى جاز ماۋسىمىندا وسىمدىكتەردىڭ گۇلدەۋىمەن بايلانىستى بولۋى مۇمكىن. بالىق قىرىلعان ايماقتا انتروپوگەندىك اسەر انىقتالمادى. بۇل اۋماقتا ونەركاسىپتىك كاسىپورىندار مەن ەلدى مەكەندەر جوق», دەپ ءتۇسىندىردى وبلىستىق ەكولوگيا دەپارتامەنتىنىڭ زەرتحانالىق-اناليتيكالىق باقىلاۋ ءبولىمىنىڭ باستىعى ماكسيم شلىموۆ.
قازىر بالىق ءولىمىنىڭ جاڭا فاكتىلەرى انىقتالعان جوق.
ايتا كەتسەك, قوسىمشا زەرتتەۋلەر قىركۇيەك ايىندا جۇرگىزىلەدى.
