بۇل تۋرالى قر قم مەملەكەتتىك كىرىستەر كوميتەتى مالىمدەدى.
23 تامىزدا «قاپلانبەك» كەدەن بەكەتىندە كوميتەتتىڭ احۋالدىق ورتالىعىنىڭ قىزمەتكەرلەرى ينسپەكتسيالىق تەكسەرىپ-قاراۋ كەشەنىنىڭ سۋرەتتەرىن تالداۋ كەزىندە مالىمدەلگەن قۇجاتتاردا سايكەسسىزدىك بارىن انىقتادى. قۇجاتتاردا مالىمدەلگەن «قاربىزدىڭ» ورنىنا سۋرەتتە سوپاقشا پىشىندەس تاۋار كورىندى. كوميتەتتىڭ 2021 جىلعى 12 قاراشاداعى №722 بۇيرىعىمەن بەكىتىلگەن «مەملەكەتتىك كىرىستەر ورگاندارى لاۋازىمدى تۇلعالارىنىڭ تەكسەرىپ قاراۋ ينتروسكوپيالىق تەحنيكاسىن قولدانۋى تارتىبىنە» سايكەس, مكك-ءنىڭ احۋالدىق ورتالىعى كەدەن زاڭناماسىن بۇزۋعا كۇدىك تۋىنداعان مالىمەتتەردى كەدەندىك ءجىتى تەكسەرۋگە جىبەردى.
كەدەندىك ءجىتى تەكسەرۋدى جۇرگىزۋ كەزىندە (احۋالدىق ورتالىقتىڭ بەينە سۇيەمەلدەۋى) «قاپلانبەك» كەدەن بەكەتىنىڭ قىزمەتكەرلەرى 62 توننا دەكلاراتسيالانباعان «قاۋىن» تاۋارىن انىقتادى. سىرتقى ەكونوميكالىق قىزمەتكە قاتىسۋشى 12 توننا «قاۋىن» تاۋارىن جانە 66 توننا «قاربىز» تاۋارىن الىپ وتپەك بولعان.
ەندى مۇنداي قادامعا بارعان ازامات قولدانىستاعى زاڭنامامەن جاۋاپكەرشىلىككە تارتىلادى.
سونىمەن قاتار مەملەكەتتىك كىرىستەر كوميتەتى بيزنەس-قاۋىمداستىقتى قولدانىستاعى كەدەن زاڭناماسىن مۇلتىكسىز ساقتاۋعا كەرەكتىگىن ەسكەرتتى.
