ەل اقساقالدارى مەن باتىر ۇرپاقتارى قاتىسقان مازمۇندى ءىس-شارادا ايبەك قاليەۆ قۇرالايدى كوزگە اتقان مەرگەنگە ارناپ جاساعان شوقپاردىڭ تاريحىنا توقتالدى.
– جاقىندا قوستاناي قالاسىندا بەلگىلى سپورتشى, تحەكۆوندودان اتى الەمگە ايگىلى مۇستافا وزتۇرىكتىڭ شاكىرتى, سەگىز قىرلى, ءبىر سىرلى نۇرلىبەك رابىل ۇلىمەن تانىستىم. ءوزى ەل ىشىندەگى كوپتەگەن يگىلىكتى ىسكە باستاماشى بولىپ جۇرگەن ازامات. بابالارىمىز ۇستاعان بەس قارۋدىڭ بىرىنە جاتاتىن شوقپار جاساۋدىڭ دا شەبەرى. سونىڭ بىرەۋىنە كەيكى باتىر ەسىمىن بەرىپتى.
سونى ماعان ۇسىنىپ, ەرجۇرەك تۇلعانىڭ تۋعان جەرىندەگى مۇراجايعا تاپسىرىڭىز دەپ امانات ەتتى. بۇگىن سونىڭ ءساتى ءتۇسىپ, باعالى دۇنيەنى كەيكى اتامىزدىڭ ۇزەڭگىلەس دوسى, سەنىمدى سەرىگى امانكەلدى يمانوۆ اتىنداعى مەموريالدىق مۋزەيگە تاپسىرىپ وتىرمىن, – دەدى ول.
ودان كەيىن ءسوز العان مۋزەي ديرەكتورى ساحان وڭجان ۇلى كەيكى باتىرعا ارناپ جاسالعان شوقپاردىڭ جەرلەستەرى ءۇشىن وتە قۇندى ەكەنىن اتاپ ءوتىپ, ونى جاساعان شەبەر نۇرلىبەك بۇلجان مەن جەتكىزگەن اقىن ايبەك قاليەۆكە العىسىن ايتتى.
بءيبىت نۇرمۇحانوۆ,
جۋرناليست
قوستاناي وبلىسى,
امانگەلدى اۋدانى
